MNP ၊ မတ် ၂၅
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ်တွင် ပတ်ဝန်းကျင် စိမ်းလန်းစိုပြေရေး၊ သစ်တောသစ်ပင်များနှင့်နှစ်ရှည်ပင်များပိုမိုစိုက်ပျိုးနိုင်ရေး၊ သဘာဝပတ်ဝန်းကျင် ထိန်းသိမ်းစောင့်ရှောက်နိုင်စေရန် ရည်ရွယ်၍ မြို့နယ်သစ်တောဦးစီးဌာနမှ မိုးရာသီကာလတွင်စိုက်ပျိုးနိုင်ရန်အတွက် မြို့မပျိုးဥယျာဉ်နှင့် ဇာတ်စုရပ်ကွက် ပျိုးဥယျာဉ်တို့တွင်ပျိုးပင်ပေါင်း(၃၅၅၀၀)ပင်ပျိုးထောင်ထား ကြောင်း သိရသည်။
မြို့နယ်အတွင်းပြည်သူများစိုက်ပျိုးနိုင်ရန်အတွက်ဖြန့်ဝေမည့် နှစ်ရှည်ပင်များ ပျိုးထောင်ရာတွင် ဒေသရာသီဥတုနှင့် ကိုက်ညီသည့် အပင်များနှင့် ဒေသခံပြည်သူများစိုက်ပျိုးချင်သော အပင်များဖြစ်သည့် ကျွန်း၊ မယ်ဇလီ၊ ရေသင်းဝင်၊ ယမနေ၊ ခရေ၊ ကုက္ကို၊ သစ်လှ၊ စိန်ပန်းနီ စသည့် အပင်ပေါင်း (၃၅၅၀၀)ကို ပျိုးထောင်ထားရှိကြောင်း သိရသည်။
သီပေါမြို့နယ်အတွင်းရှိ ရပ်ကွက်၊ ကျေးရွာအုပ်စုများတွင် သဘာဝပတ်ဝန်းကျင် စိမ်းလန်းစိုပြေရေး၊ ရာသီဥတုပြောင်းလဲမှုကို ထိန်းညှိပေးနိုင်ရေးအတွက် ပျိုးထောင်ထားသောအပင်များကို ဒေသခံပြည်သူများ၊ ဌာနဆိုင်ရာများ၊ လူမှုအဖွဲ့အစည်းများ၊ အစုအဖွဲ့ပိုင်သစ်တောများတွင် စိုက်ပျိုးနိုင်ရန် အခမဲ့ဖြန့်ဝေပေးသွားမည်ဖြစ်ကြောင်း သီပေါမြို့နယ်သစ်တောဦးစီးဌာနမှ သိရသည်။
ခင်လေး
https://t.me/MyanmarNationalPost
No comments:
Post a Comment