MNP ၊ မတ် ၉
"ဝ"ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင်၊ ဟိုပန်မြို့နယ်တွင် ၂၀၂၃ ခုနှစ်၊ ဧပြီလ (၅) ရက်နေ့တွင် ကျရောက်မည့် "ဝ"နှစ်ခြင်းခရစ်ယာန်အသင်းတော်၏ နှစ်(၅၀)ပြည့် ရွှေရတုကျေးဇူးတော် ချီးမွမ်းပွဲအထိမ်းအမှတ် အကြိုအဖြစ် ယနေ့နံနက်(၁၀)နာရီက ခြင်းလုံးအားကစားပြိုင်ပွဲ စတင်ကျင်းပခဲ့သည်။
ပြိုင်ပွဲတွင် ဟိုပန်မြို့နယ် အတွင်းရှိ ခြင်းလုံးအားကစား ဝါသနာပါသည့် လူငယ်၊ လူရွယ်များက အုပ်စု(၄)စုခွဲကာ အသင်း(၁၅)သင်း ဝင်ရောက်ယှဉ်ပြိုင် ကစားသွားမည်ဖြစ်ပြီး ဆုရရှိအသင်းများအား အဆိုပါ အထိမ်းအမှတ်ပွဲတော်အခမ်းအနားတွင် ဆုများအသီးသီးချီးမြှင့် ပေးအပ် သွားမည် ဖြစ်သည်။
ဟိုပန်မြို့နယ်၊ "ဝ"နှစ်ခြင်းခရစ်ယာန်အသင်းတော်၏ နှစ်(၅၀)ပြည့် ရွှေရတုကျေးဇူးတော် ချီးမွမ်းပွဲအထိမ်းအမှတ် အကြိုအဖြစ် ခြင်းလုံးအားကစားပြိုင်ပွဲအပြင် အမျိုးသားဘောလုံးနှင့် အမျိုးသမီး ဖူဆယ်အားကစားပြိုင်ပွဲများလည်း ပါဝင်မည်ဖြစ်ပါကြောင်း သိရသည်။
ဇင်ဇင်
https://t.me/MyanmarNationalPost
No comments:
Post a Comment