MNP ၊ မတ် ၁၅
ရခိုင်ပြည်နယ်၊စစ်တွေခရိုင်၊ ရသေ့တောင်မြို့နယ်တွင် ၂၀၂၂-၂၀၂၃ ပညာသင်နှစ်၊တက္ကသိုလ်ဝင်စာမေးပွဲကို မတ်လ၈ရက်နေ့မှ စတင်၍ ဖြေဆိုလျက်ရှိရာ ယနေ့တွင် ဘောဂဗေဒဘာသာရပ်နှင့်ဇီဝဗေဒဘာသာကို ကျောင်းသား၊ကျောင်းသူ(၁၃၂၁)ဦးက အေး ချမ်းစွာ ဆက်လက်ဖြေဆိုလျက်ရှိကြောင်းသိရသည်။
ရသေ့တောင်မြို့နယ်တွင် တက္ကသိုလ်ဝင်စာမေးပွဲကိုအေးချမ်းအောင်မြင်စွာ ပြီးစီးနိုင်ရေးအတွက် ကြီးကြပ်ရေးအဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ဌာနဆိုင်ရာများ၊ရပ်ကွက်အုပ်ချုပ်ရေးမှူးများ၊နယ်မြေခံ ရဲတပ်ဖွဲ့ဝင်များက ပံ့ပိုးကူညီဆောင်ရွက်ပေးလျက်ရှိကြောင်းသိရသည်။
ရသေ့တောင်မြို့နယ်အနေဖြင့် အ.ထ.က (၁)စာစစ်ဌာန နှင့် အ.ထ.က(၂)စာစစ်ဌာန ၊စာစစ်ဌာန(၂)ခုသတ်မှတ်ထားပြီး စာစစ်ဌာနများတွင် ဘောဂဗေဒဖြေဆိုရန် စာရင်းရှိကျောင်းသား၊ကျောင်းသူ (၁၄၂၁)ဦး ရှိသည့်အနက်ဖြေဆိုသူ(၁၃၁၁)ဦး၊ပျက်ကွက်သူ(၁၂၀)ဦးရှိပြီးဇီ၀ဗေဒဘာသာရပ်ကိုစာရင်းရှိ ကျောင်းသား၊ကျောင်းသူ(၁၃)ရှိသည့်အနက် ဖြေဆိုသူ(၁၀)ဦး၊ပျက်ကွက်သူ(၃)ဦးရှိကြောင်းမြို့နယ်ပညာရေးမှူးရုံးမှသိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment