MNP ၊ မတ် ၂၄
ပဲခူးတိုင်းဒေသကြီး သာယာဝတီခရိုင် ကြို့ပင်ကောက်မြို့နယ်အတွင်းရှိကျေးလက်နေပြည်သူများ ဘဝတိုးတက်မြင့်မားစေရေးအတွက် ၂၀၂၂-၂၀၂၃ ဘဏ္ဍာရေးနှစ်အတွင်း ကျေးလက်လမ်းဦးစီးဌာနနှင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနတို့မှ လမ်းတံတားများ တည်ဆောက်ပေးခဲ့ရာ ရာနှုန်းပြည့်ပြီးစီးပြီဖြစ်ကြောင်း သိရသည်။
မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကံဦးကျးရွာကုန်ထုတ်လမ်းအား ၂၀၂၂-၂၀၂၃ ဘဏ္ဍာရေးနှစ် အတွင်းအောက်ခံ မြေသား ၄၇၀၀ ပေ အကျယ် ၁၄ ပေ ထု ၂ ပေ အား မြေနီကျာက် ၄၇၀၀ ပေ အကျယ် ၁၂ ပေ ထု ၉ လက်မခင်းခြင်းကို ၇၇ ဒသမ ၉၁ ကျပ်သန်းဖြင့် အကောင်အထည်ဖော်ဆောင်ရွက်ပေးခဲ့ကြောင်း မြို့နယ်ဦးစီးမှူး ဦးအေးလွင်ထံမှသိရသည်။
မြို့နယ်ကျေးလက်လမ်းဦးစီးဌာနမှ၂၀၂၂-၂၀၂၃ ဘဏ္ဍာနှစ်အတွင်း ကျေးလက်နေပြည်သူများအတွက် ကျောက် ချောလမ်း ၁ မိုင် ၄ ဖာလုံ၊ မြေနီလမ်း ၅ မိုင် ၃ ဖာလုံ၊ မြေသားလမ်း ၂ မိုင် ၃ ဖာလုံတို့ကို ရန်ပုံငွေကျပ် ၆၇၄ ဒသမ ၅၂၅သန်းဖြင့် အကောင်အထည်ဖော် ဆောင်ရွက်ပေးခဲ့ရာ လုပ်ငန်းအားလုံး ရာနှုန်းပြည့်ပြီးစီးနေပြီဖြစ်ကြောင်း မြို့နယ်ကျေးလက်လမ်း ဦးစီးမှူးဒေါ်တင်နုနုထွန်းထံမှသိရသည်။
ကြို့ပင်ကောက်မြို့နယ်အတွင်းရှိ ကျေးလက်နေပြည်သူများဘဝ တိုးတက်မြင့်မားစေရေးအတွက် လမ်းတံတားများကို သက်ဆိုင်ရာဝန်ကြီးဌာနများ၏ခွင့်ပြုရန်ပုံငွေများဖြင့် အကောင်အထည်ဖော် ဆောင်ရွက်ပေးလျက်ရှိရာ လုပ်ငန်းအားလုံးသတ်မှတ်ကာလအတွင်း စံချိန်စံညွှန်းနှင့်အညီ ပြီးစီးနိုင်ရေးအတွက် တာဝန်ရှိသူများက အနီးကပ်ကြီးကြပ်ဆောင်ရွက်ပေးလျက်ရှိကြောင်း သိရသည်။
ဇေယျာထွန်း
https://t.me/MyanmarNationalPost
No comments:
Post a Comment