MNP ၊ မတ် ၂၀
ပဲခူးတိုင်းဒေသကြီး၊ ကျောက်ကြီးမြို့နယ်၊ နတ်သံကွင်း-ကျောက်ကြီးသွား ကားလမ်းပေါ်ရှိ ညောင်ကုန်းတံတား ရှောင်ကွင်းလမ်း၌ KNLA အဖွဲ့မှ အကြမ်းဖက်မှုကို လိုလားသော အဖွဲ့က ထောင်ထားသည့် ဒေသန္တရာကားမိုင်းအား ယနေ့နံနက်ပိုင်းတွင် ကျောက်ကြီးမြို့နေ ဒေသခံပြည်သူများလိုက်ပါလာသည့် မော်တော်ယာဉ်တစ်စီးက နင်းမိပေါက်ကွဲပြီး အပြစ်မဲ့ပြည်သူ ၃ ဦးသေဆုံးပြီး ၂ ဦးဒဏ်ရာရရှိခဲ့ကြောင်း သိရှိရသည်။
ဖြစ်စဉ်မှာ ကျောက်ကြီးမြို့နေ ဦးကြင်ကောက် မောင်းနှင်ပြီး အမျိုးသား ၂ ဦးနှင့် အမျိုးသမီး ၂ ဦးတို့ လိုက်ပါလာသည့် လိုက်ထရပ်အမျိုးအစား မော်တော်ယာဉ်သည် ကျောက်ကြီးမြို့မှ နတ်သံကွင်းဘက်သို့ သွားရောက်စဉ် ယနေ့နံနက် ၈ နာရီ ၃၀ မိနစ် ခန့်တွင် ညောင်ကုန်းတံတား ရှောင်ကွင်းလမ်းနေရာသို့အရောက်၌ KNLA အဖွဲ့မှ အကြမ်းဖက်မှုကို လိုလားသောအဖွဲ့က ထောင်ထားသည့် ဒေသန္တရကားမိုင်းအား နင်းမိပေါက်ကွဲခဲ့ပြီး မိုင်းပေါက်ကွဲမှုကြောင့် အပြစ်မဲ့ပြည်သူ အမျိုးသား ၂ ဦးနှင့် အမျိုး သမီး ၁ ဦးတို့မှာ နေရာတွင် သေဆုံးခဲ့ပြီး အမျိုးသား ၁ ဦးနှင့် အမျိုးသမီး ၁ ဦးတို့မှာ မိုင်းစထိမှန်(စိုးရိမ်ရ) ဒဏ်ရာများရရှိခဲ့ကြောင်း သိရှိရသည်။
အဆိုပါ နေရာတစ်ဝိုက်အား လုံခြုံရေးတပ်ဖွဲ့ဝင်များက လိုအပ်သည့် နယ်မြေ လုံခြုံရေးလုပ်ငန်းများဆောင်ရွက်လျက်ရှိကြောင်းနှင့် ဒဏ်ရာရရှိသူများအား ကျောက် ကြီးမြို့နယ် ပြည်သူ့ဆေးရုံသို့ ပို့ဆောင်ဆေးကုသမှုခံယူစေလျက်ရှိကြောင်း သတင်းရရှိသည်။
#MyanmarNationalPost
No comments:
Post a Comment