MNP ၊ မတ် ၁၈
ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ် အားကစားနှင့်ကာယပညာဦးစီးဌာနမှ ကြီးမှူးကျင်းပသည့် ၂၀၂၃ ခုနှစ် နွေရာသီအခြေခံ အားကစားသင်တန်းဆင်းပွဲကို ယနေ့နံနက် ၈ နာရီက မြို့မအားကစားကွင်းတွင် ကျင်းပသည်။
သင်တန်းဆင်းပွဲတွင် မြို့နယ်အားကစားနှင့်ကာယပညာဦးစီးဌာန၊ အားကစားမှူး ဦးစိုင်းချစ်အောင်က သင်တန်းဆင်း အမှာစကားပြောကြားပြီး တာဝန်ရှိသူများက သင်တန်းနည်းပြများနှင့် သင်တန်းသား၊ သင်တန်းသူများအား အားကစားဝတ်စုံများ၊ ထူးချွန်ဆုများနှင့် သင်တန်းဆင်းလက်မှတ်များ ပေးအပ်ခဲ့ကြကြောင်း သိရသည်။
အဆိုပါ နွေရာသီအားကစားသင်တန်းကို မတ်လ ၃ ရက်မှ ၁၇ ရက်အထိ ဖွင့်လှစ် သင်ကြားပေးခဲ့ပြီး သင်တန်းသား၂၅၀ ဦး တက်ရောက်ခဲ့ကြကြောင်း သိရသည်။
အောင်ဇင်မြင့်
https://t.me/MyanmarNationalPost
No comments:
Post a Comment