MNP ၊ ဧပြီ ၃
ရခိုင်ပြည်နယ်၊ သံတွဲခရိုင်၊ ဂွမြို့နယ်တွင် ပါဠိပထမပြန်စာမေးပွဲ၌ အောင်မြင်တော်မူခဲ့ကြသည် စာအောင်သံဃာတော်များအား ဆုချီးမြှင့်သည့် စူဠဘွဲ့နှင်းသဘင်အခမ်းအနားကို ယနေ့နံနက် ၇ နာရီအချိန်က သိမ်ကုန်းစေတီတော်ဝန်းအတွင်းရှိ သာသနာ့ဗိမ္မာန်၌ ကျင်းပပြုလုပ်ခဲ့ကြသည်။
ရှေးဦးစွာအခမ်းအနားအား နမောတဿသုံးကြိမ်ရွတ်ဆိုဘုရားကန်တော့၍ ဖွင့်လှစ်ခဲ့ပြီး မြို့နယ်သံဃနာယက ဆရာတော်ထံမှ ငါးပါးသီလခံယူဆောက်တည်ခဲ့ကြသည်။ဆက်လက်၍ မြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးဇာနည်ကျော်က သာသနာရေးဆိုင်ရာကိစ္စများလျှောက်ထားပြီး ပါဠိပထမပြန်စာမေးပွဲ၌ စာအောင်သံဃာတော်များအား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်မြို့နယ်စီမံအုပ်ချုပ်ရေးအဖွဲ့ဝင်များ၊ ဌာနဆိုင်ရာများနှင့် အလှူရှင်များက စာအောင်ဆုလက်မှတ်နှင့် လှူဖွယ်ဝတ္ထုပစ္စည်းများဆက်ကပ်လှူဒါန်းခဲ့ကြသည်။ ထို့နောက် လှူဒါန်းမှုအစုစုတို့အတွက် ရေစက်သွန်းချအမျှပေးဝေခဲ့ကြကာ အခမ်းအနားကို ဗုဒ္ဓသာသနံ စိရံ တိဋ္ဌတုသုံးကြိမ်ရွတ်ဆိုကာ အောင်မြင်စွာ ရုပ်သိမ်းခဲ့သည်။
ယနေ့ကျင်းပပြုလုပ်သည့် စူဠဘွဲ့နှင်းသဘင် အခမ်းအနားတွင် အစိုးရပါဠိပထမပြန်စာမေးပွဲ၌ အခြေပြုမူလတန်း(၅)ပါး၊ ပထမလတ်တန်း(၁)ပါး၊ စုစုပေါင်းစာအောင်သံဃာတော် (၆)ပါးနှင့် မြို့နယ်အဆင့်စာအောင်သံဃာတော်(၁၁)ပါးရှိကြောင်းသိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment