ရွှေတောင်မြို့နယ်တွင် မိုးသည်းထန်စွာရွာသွန်းပြီးရုတ်တရက်လေပြင်းတိုက်ခတ်မှုကြောင့် ပျက်စီးခဲ့သည့် လူနေအိမ်များအား ထောက်ပံ့ပေးအပ်

MNP ၊  ဧပြီ ၂၄

ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် အတွင်း ဧပြီလ ၂၂ ရက်နေ့ ညနေ (၆:၁၅)နာရီအချိန်ခန့်က  ရုတ်တရက်လေပြင်းတိုက်ခတ်ပြီး မိုးရွာသွန်းမှုကြောင့် ရွှေတောင်မြို့နယ်အတွင်းရှိ သရက်တောရပ်ကွက် ၊ကျီးသဲကျေးရွာအုပ်စု၊သာစီကုန်းကျေးရွာအုပ်စု၊ဆည်ကြီးကုန်းကျေးရွာအုပ်စု၊မြို့မကျေးရွာအုပ်စု၊ဒုရင်ဒုဘိုကျေးရွာအုပ်စု၊နွားခြံကုန်းကျေးရွာအုပ်စု၊သရက်သုံးပင်ကျေးရွာအုပ်စုတို့တွင်လူနေအိမ် ( ၆)လုံးပြိုကျခဲ့ပြီး အမိုးလန်ပျက်စီးခဲ့သည့် လူနေအိမ် ( ၄၈) အိမ်တို့ ပျက်စီးဆုံးရှုံးမှုများ ဖြစ်ပေါ်ခဲ့သည်။

          အဆိုပါ   လေပြင်းတိုက်ခတ်မှုများ ဖြစ်ပေါ်ခဲ့သည့် နေရာများသို့ ယမန်နေ့ ၊ နေ့လယ်ပိုင်းက မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးဟံဝင်းအောင်နှင့်အဖွဲ့ဝင်များ၊ ပြည်ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန ၊ဒုတိယညွှန်ကြားရေးမှူး ဒေါ်တင်တင်ချို ၊ မြို့နယ်အထွေထွေအုပ်ချုပ်ရေးဦးစီးဌာန ၊ သက်ဆိုင်ရာရပ်ကွက် / ကျေးရွာအုပ်စုအုပ်ချုပ်ရေးအဖွဲ့ဝင်များ၊ကြက်ခြေနီတပ်ဖွဲ့ဝင်များပူးပေါင်း၍ ပြည်ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ လေဘေးသင့်ပြိုကျ / အမိုးလန် လူနေအိမ် ( ၅၄) အိမ်အတွက် ထောက်ပံ့ငွေ ( ၂၅၆၂၉၀၀/-) ၊ပြိုကျလူနေအိမ် ( ၆) အိမ်အတွက် တစ်အိမ်လျှင် ပစ္စည်း ( ၁၈)မျိုးပါ( ၆) ပုံးနှင့်  ကြက်ခြေနီတပ်ဖွဲ့ဝင်များမှ Hygiene Kit တစ်ကိုယ်ရေသန့်ရှင်းရေးသုံးပစ္စည်း ( ၁၉) မျိုးပါပုံး ( ၆) ပုံး ၊တာပေါ်လင်စ ( ၆) စ နှင့် လီတာ ( ၂၀) ဆံ့ရေသန့်ဘူးခွံ ( ၆) ဘူးတို့အား ပေးအပ်ထောက်ပံ့ခဲ့ကြကြောင်းသိရသည်။

ကိုကိုမင်း

 https://t.me/MyanmarNationalPost