MNP ၊ ဧပြီ ၁၂
မွန်ပြည်နယ် မုဒုံမြို့နယ်၌ ၁၃၈၄ ခုနှစ် သင်္ကြန်ကာလအတွင်း ရေကစားမဏ္ဍပ်များ၊ စတုဒီသာမဏ္ဍပ်များ၊ ဖျော်ဖြေပွဲများဖြင့် စည်ကားသိုက်မြိုက်စွာဖြင့် ကျင်းပသွားမည်ဖြစ်သည်။
မုဒုံမြို့နယ် ဗဟိုရေကစားမဏ္ဍပ်၌ အဆိုဝါသနာရှင်များမှ ခေတ်ပေါ်တေးဂီတသီချင်းများဖြင့် ဖျော်ဖြေခြင်း၊ သင်္ကြန်ယိမ်းအကအဖွဲ့များက အကအလှများဖြင့် ကပြဖျော်ဖြေခြင်း၊ သင်္ကြန်ကာလအကြိုနေ့မှစတင်ကာ နေ့စဉ်စတုဒီသာများကျွေးမွေးခြင်းတို့ဖြင့် ပျော်ရွှင်စွာကျင်းပ ဆောင်ရွက်သွားမည်ဖြစ်ကြောင်း၊ မြန်မာနှစ်ဆန်း(၁)ရက်နေ့တွင် သက်ကြီးပူဇော်ပွဲ၊ ငါးလွှတ်ပွဲ၊ နှစ်ဦးပရိတ်တရားတော်နာယူပွဲနှင့် ကန်ကြီး စေတီတော်၌ ဆီမီး (၉၀၀၀) ပန်း (၉၀၀၀) ပူဇော်ပွဲတို့ကို ကျင်းပဆောင်ရွက်သွားမည်ဖြစ်ကြောင်း သိရသည်။
ထိုသို့သင်္ကြန်ကာလအတွင်း ပြည်သူများပျော်ရွင်ချမ်းမြေ့စေရန်အတွက် မဏ္ဍပ်ဆောက်လုပ်ပြင်ဆင်နေမှုနှင့် ပြီးစီးမှုအခြေအနေများကို မြို့နယ်စီမံအုပ်ချုပ်ရေးအဖွဲ့ မြန်မာ့ရိုးရာမဟာ သင်္ကြန်ပွဲတော်ကျင်းပရေးဦးစီးကော်မတီ၊ လုပ်ငန်းကော်မတီများအလိုက် လာရောက်ကြီး ကြပ်လျက်ရှိကြပြီး ရိုးရာအစဉ်အလာမပျက် စည်ကားသိုက်မြိုက်စွာကျင်းပသွားမည်ဖြစ်ကြောင်း သိရသည်။
သားငယ်
https://t.me/MyanmarNationalPost
No comments:
Post a Comment