MNP ၊ ဧပြီ ၂၃
ရခိုင်ပြည်နယ် မာန်အောင်မြို့တွင် မီးဘေးအန္တရာယ်ကြိုတင်ကာကွယ်ရေးနှင့် မီးစနစ်တကျ သုံးစွဲရေး အသိပညာပေး နှိုးဆော်ခြင်းကို ယနေ့ညနေ၅နာရီတွင် မြို့နယ်မီးသတ်ဦးစီးဌာနမှ မြို့ပေါ်ရပ်ကွက်များအတွင်း လှည့်လည်အသိပညာပေး နှိုးဆော်ခဲ့သည်။
ထိုသို့နှိုးဆော်ရာတွင် မြို့နယ်မီးသတ်ဦးစီးဌာနမှ လက်ထောက်မီးသတ်ဦးစီးမှူး ဦးကျော်စိုးမိုးဦးဆောင်သောမီးသတ်တပ်ဖွဲ့ဝင်များက မြို့ပေါ် ရပ်ကွက်များရှိပြည်သူများအား နွေရာသီ အပူချိန် အလွန်ပူပြင်း လာသဖြင့် မီးဘေးအန္တရာယ် မကျရောက်စေရန် လျှပ်စစ်မီး၊ လျှပ်စစ်မီးဖို၊ထင်းမီးဖိုမီး၊ဖယောင်းတိုင်မီးများနှင့် ခြင်ဆေးခွေမီးများအား ည အိပ်ချိန်တွင်သတိထား၍ စနစ်တကျ ငြှိမ်း သတ်ထားရန်၊ ဟောင်းနွမ်းဆွေးမြေ့နေသော လျှပ်စစ်ဝါယာကြိုးများကို အသစ်လဲလှယ်တပ်ဆင်အသုံးပြုရန်၊နေအိမ်များ၊ရုံးအဆောက်အဦးများတွင်မီးချိတ်၊မီးကပ်၊သဲအိတ်၊ ရေအိတ်၊မီးသတ်ဆေးဘူးနှင့် မီးဘေးကြိုတင်ကာကွယ်ရေးပစ္စည်းများအားဆောင်ရွက် ထားရှိရန်၊ နေအိမ်ခြံဝင်းအတွင်း အမှိုက်များအား စနစ်တကျရှင်းလင်းထားရန်နှင့် မီးဘေးအန္တရာယ် ကြုံတွေ့လာပါက မီးသတ်ဦးစီးဌာနသို့ အမြန်ဆုံးဆက်သွယ်အကြောင်းကြားရန်စသည့် အသိပညာပေးနှိုးဆော်ခြင်းများကိုဆောင်ရွက်ခဲ့သည်။
မာန်အောင်မြို့နယ် မီးသတ်ဦးစီးဌာန အနေဖြင့်မီးဘေးအန္တရာယ် မကျရောက်စေရန် ပြည်သူများအားအသိပညာပေးနှိုးဆော်ခြင်းများကို အပတ်စဥ်တနင်္ဂနွေနေ့ တိုင်းဆောင်ရွက်လျက်ရှိကြောင်း မြို့နယ်မီးသတ်ဦးစီးဌာန၊မြို့နယ်ဦးစီးမှူး ဦးထိန်လင်းထံမှသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment