MNP ၊ ဧပြီ ၁၂
ကရင်ပြည်နယ်၊ ဘားအံခရိုင်၊ ပိုင်ကျုံမြို့ အမှတ်(၄)ရပ်ကွက်ရှိ တနင်းဖလုံလမ်းအား အများပြည်သူများ သွားလာမှုလွယ်ကူစေရေး၊ ကုန်စည်စီးဆင်းမှုမြန်ဆန်စေရေးနှင့် မြို့သာယာလှပရေးအတွက် ကိုယ်ထူကိုယ်ထဖြင့် ကွန်ကရစ်လမ်းခင်ခြင်းလုပ်ငန်းများ ဆောင်ရွက်လျက်ရှိကြောင်း သိရသည်။
အဆိုပါလမ်းအား တောင်ပို့ကျောင်းဆရာတော်ဦးဆောင်မှု၍ စေတနာရှင်အလှူ့ဒါယကာ၊ ဒါယိကာမများတို့မှ စုပေါင်းလှူဒါန်းငွေ(၃၆၈၈၀၈၀၀)ကျပ်ဖြင့် (အရှည် ၁၉၀၀ပေ x အကျယ် ၁၈ ပေ x ထု ၆လက်မ)ရှိ ကွန်ကရစ်လမ်းအား အမှတ်(၄)ရပ်ကွက်ရှိ အများပြည်သူများတို့၏ စုပေါင်းလုပ်အားဖြင့် မတ်လ ၂၂ ရက်နေ့တွင် စတင်အကောင်အထည် ဖော်ဆောင်ရွက်ခဲ့ကြောင်း သိရသည်။
ထိုလမ်းခင်းခြင်းလုပ်ငန်းများပြီးစီးပါက မြို့သာယာလှပပြီး အများပြည်သူများ၏ လူနေမှုဘဝနှင့် သွားရေးလာရေးအတွက် အဆင်ပြေလွယ်ကူစေပြီး ကျန်းမာရေး၊ ပညာရေး၊ စီးပွားရေး၊ လူမှုရေးလုပ်ငန်းများ ဆောင်ရွက်ရာတွင် ပိုမိုအဆင်ပြေလာမည်ဖြစ်ကြောင်း သိရှိရပါသည်။
နော်ခူး
https://t.me/MyanmarNationalPost
No comments:
Post a Comment