MNP ၊ ဧပြီ ၁၇
မွန်ပြည်နယ်၊ ပေါင်မြို့နယ်တွင် မြန်မာရိုးရာယဉ်ကျေးမှုဓလေ့ထုံးတမ်းအစဉ်အလာနှင့်အညီ သင်္ကြန်ကာလနှစ်သစ်အခါတွင် နှစ်စဉ်ကျင်းပသော (၃၈)ကြိမ်မြောက်သက်ကြီးဘိုးဘွားပူဇော်ပွဲကို မဟာသင်္ကြန်(အတက်နေ့) နံနက်(၇)နာရီအချိန်က ပေါင်မြို့နယ်၊ ကဒါရပ်ကွက်ရှိ ကမ္ဘာအေးဘုရားဝန်းအတွင်းရှိ ရာမညဓမ္မသာလာဓမ္မာရုံတွင် ကျင်းပကြောင်း သိရသည်။
ထိုသို့ကျင်းပရာတွင် ပေါင်မြို့နယ်၊ မွန်လူငယ်အဖွဲ့မှ လူငယ်မောင်/မယ်များက အသက်(၈၀)နှစ်အထက် သက်ကြီးအဘိုး/အဘွား(၁၂၈)ဦးတို့အား လှူဒါန်းငွေ(၃၅၀၀၀၀၀)ရှိ ဂါရဝပစ္စည်းများဖြင့် ကန်တော့ကြရာ အဘွားမိကွန်ခက ဆုတောင်းမေတ္တာချီးမြှင့်ပါသည်။
ထိုနောက် သက်ကြီးအဘိုး/အဘွားများနှင့် မွန်လူငယ်မောင်/မယ်အဖွဲ့များက အနောက်သိမ်ကျောင်းဆရာတော်ထံမှ ငါးပါးသီလခံယူဆောက်တည်ကြကာ ကောင်းမှူအစုစုအတွက် ရေစက်သွန်းချအမျှပေးဝေ သာဓုသုံးကြိမ်ခေါ်ဆိုပြီး အခမ်းအနားကိုပြီးမြောက်ကြောင်း သိရသည်။
ယင်းနောက် အခမ်းအနားသို့မလာရောက်နိုင်သည့် သက်ကြီးဘိုးဘွားများအား အိမ်တိုင်ရာရောက် သွားရောက်ကန်တော့ခဲ့ကြသည်။
https://t.me/MyanmarNationalPost
No comments:
Post a Comment