MNP ၊ ဧပြီ ၁၈
မြန်မာသက္ကရာဇ်နှစ်ဟောင်းကုန်လွန်၍ နှစ်သစ်ကူးသည့်အခါသမယ (၁၃၈၅) ခုနှစ် မြန်မာနှစ်ဆန်းတစ်ရက်နေ့ညနေ (၄) နာရီအချိန်၌ ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေး မြို့နယ်စီမံအုပ်ချုပ်ရေးအဖွဲ့မှကြီးမှူးကာ ဆွမ်းဒါယကာ/မများနှင့်အတူ ဘိုကလေးမြို့နယ်လုံးကျွတ်ဆွမ်းဆန်စိမ်းလောင်းလှူပွဲ ကျင်းပဆောင်ရွက်သည်။ ဆွမ်းဆန်စိမ်းလောင်းလှူရာတွင် ဘိုကလေးမြို့ပေါ်ရှိ ဘုန်းတော်ကြီးကျောင်း (၅၃) ကျောင်းမှသံဃာအပါး (၁၀၀၀) ကျော်တို့က မြို့နယ်ကျက်သရေဆောင် မြို့မဆွမ်းလောင်း အသင်းကြီး၌ စုရပ်ပြုလုပ်၍ ဆွမ်းလောင်းအသင်းရှေ့ ဒုတိယလမ်းမတစ်လျှောက်မှ ကမ်းနားလမ်းသို့လည်းကောင်း၊ ကမ်းနားလမ်းမှ တတိယ လမ်းသို့လည်းကောင်း ဆွမ်းဆန် စိမ်းကြွချီကြပြီး မြို့နယ်စီမံအုပ်ချုပ်ရေးအဖွဲ့နှင့် ဆွမ်းဒါယကာ/မများမှဆွမ်းဆန်စိမ်းနှင့် လှူဖွယ်ဝတ္ထုအစုစုတို့အား လောင်းလှူပူဇော်ခဲ့ကြကြောင်း သိရသည်။
မိုးစက်
https://t.me/MyanmarNationalPost
No comments:
Post a Comment