MNP ၊ ဧပြီ ၁၂
ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့နယ်တွင် ၁၃၈၄ ခုနှစ် မြန်မာ့ရိုးရာမဟာသင်္ကြန်ပွဲတော်ကို ပြည်သူများ အေးချမ်းပျော်ရွှင်စွာဆင်နွှဲနိုင်ရန်အတွက် မြို့နယ်စီမံအုပ်ချုပ်ရေးအဖွဲ့မှကြီးမှူး၍ အမှတ်(၁)ရပ်ကွက်ရှိ မင်္ဂလာကန်တော်ကန်ပတ်လမ်းတွင် လမ်းလျှောက်သင်္ကြန် ဖျော်ဖြေရေး/ရေကစားမဏ္ဍပ် ယိမ်းအကပြိုင်ပွဲတို့ဖြင့် စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။
မြန်မာ့ရိုးရာမဟာသင်္ကြန်ပွဲတော်ကာလအတွင်း ဗဟိုမဏ္ဍပ်တွင် သင်္ကြန်တေးသီချင်းများ၊ ရိုးရာယဉ်ကျေးမှုအကများ၊ သင်္ကြန်ယိမ်းအကအလှယှဉ်ပြိုင်မှုများ၊ Stage Show ကဏ္ဍများ၊ ခေတ်ပေါ်တေးသီချင်းများဖြင့် သီဆိုဧည့်ခံဖျော်ဖြေသွားမည်ဖြစ်ကြောင်းနှင့် မြန်မာ့ရိုးရာမဟာသင်္ကြန်ပွဲတော်ကို လာရောက်ဆင်နွှဲကြသော ပြည်သူများအား ဌာနဆိုင်ရာများနှင့် စေတနာရှင် အလှူရှင်များမှတစ်ရက်ချင်းအလိုက် အလှည့်ကျ ရွှေရင်အေးး၊မုန့်လက်ဆောင်း၊ မုန့်လုံးရေပေါ်၊ သာကူကြိုစတုဒိသာများဖြင့် နေ့စဉ်ဧည့်ခံကျွေးမွေးသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment