MNP ၊ ဧပြီ ၁၈
ရခိုင်ပြည်နယ်၊ ပုဏ္ဏားကျွန်းမြို့တွင် မြို့နယ်သံဃာ့နာယက ဆရာတော်ကြီးများအား ပင့်ဖိတ်၍ အန္တရာယ် ကင်း ပရိတ်တရားတော်များ ရွတ်ပွားပူဇော်ပွဲကို ယမန်နေ့၊ ညနေ(၄) နာရီက မြို့နယ်အထွေထွေအုပ်ချုပ်ဦးစီးဌာန ၌ ကျင်းပြုလုပ်ခဲ့သည်။
အခမ်းအနားသို့ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမောင်စံဝင်းနှင့်အဖွဲ့ဝင်များ၊ ဌာနဆိုင်ရာများ၊ မြို့မိ မြို့ဖများနှင့်ရပ်ကွက်အုပ်ချုပ်ရေးမှူးများ တက်ရောက်ခဲ့ကြပြီး၊ နမော တဿသုံးကြိမ်ရွတ်ဆိုဖွင့်လှစ်ခဲ့ပြီး၊ မြို့မ
ပရိယတ္တိစာသင်တိုက် ဆရာတော်ကြီးထံမှ ငါးပါးသီလခံယူ ဆောက်တည်ကြပြီး၊ ဆရာတော် သံဃာတော်များက အန္တရာယ်ကင်း ပရိတ် တရားတော်မြတ်တို့ကို ရွတ်ပွားသရဇ္ဇျာယ်ခဲ့ကြသည်။
ထိုနောက် ဆရာတော်သံဃာတော်ကြီးများအား မြို့နယ်စီမံအုပ်ချုပ်ရေးအဖွဲ့မှ နဝကမ္မ ဝတ္ထုပစ္စည်းများ ဆက်ကပ်လှူဒါန်းပေးကြပြီး၊ ဗုဒ္ဓသာသနံစိရံတိဋ္ဌတု သုံးကြိမ်ရွတ်ဆိုကာ အခမ်း အနားကို အောင်မြင်စွာရုပ်သိမ်းခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment