MNP ၊ ဧပြီ ၂၈
ရခိုင်ပြည်နယ်၊ သံတွဲခရိုင်၊ ဂွမြို့နယ်တွင် မြို့နယ်အဆင့် ဌာနဆိုင်ရာများ၊ ရပ်/ကျေး အုပ်ချုပ်ရေးမှူးများနှင့် စာရေးများ၏ လုပ်ငန်း ညှိနှိုင်းအစည်းအဝေးကို ယနေ့ နံနက်(၁၀)နာရီအချိန်က မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေး ခန်းမ၌ ကျင်းပပြုလုပ်ခဲ့သည်။
အစည်းအဝေးတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဇာနည်ကျော်က ပြည်နယ်ဝန်ကြီးချုပ် ခရီးစဥ် လမ်းညွှန်မှာကြားချက်အပေါ် သက်ဆိုင်ရာဌာနဆိုင်ရာများက သိရှိလိုက်နာ ဆောင်ရွက်သွားနိုင်ရေး၊၁၃၈၅ ခုနှစ်၊ကဆုန်လပြည့်နေ့ ကဆုန် ညောင်ရေသွန်းပွဲကို စည်ကားသိုက်မြိုက်စွာကျင်းပနိုင်ရေး ၊ မြို့သန့်ရှင်းသာယာလှပရေး ၊ ကျေးရွာဖွံ့ဖြိုးရေးလုပ်ငန်း စီမံကိန်း အကောင်အထည်ဖော်ဆောင်ရွက်မည့်ကျေးရွာများ ဖွံ့ဖြိုးရေး ၊ ရပ်ကွက်/ကျေးရွာများရှိ ပုဂ္ဂလိကစက်မှုလုပ်ငန်းများအား လုပ်ငန်းမှတ်ပုံတင်များ လုပ်ကိုင်ဆောင်ရွက်ရာတွင် ကျန်ရှိမှုမရှိစေရေး၊ လုံခြုံရေး၊ မီးဘေးအန္တရာယ်ကြိုတင် ကာကွယ်ရေး တို့ကို ဆွေးနွေးခဲ့သည်။
ထို့နောက် သက်ဆိုင်ဌာနများမှ တာဝန်ရှိသူများနှင့် ရပ်/ကျေး အုပ်ချုပ်ရေးမှူးများနှင့် စာရေးများက သက်ဆိုင်ရာကဏ္ဍအလိုက် ပြန်လည်ဆွေးနွေခဲ့ကြကြောင်းနှင့် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌက ပြန်လည်ဖြည့်စွက် ဆွေးနွေးပေးခဲ့ကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment