MNP ၊ ဧပြီ ၂၈
၁၃၈၅ခုနှစ်၊ ကဆုန်လပြည့်(ဗုဒ္ဓနေ့) ဖြစ်သည့် နေ့ထူးနေ့မြတ်တွင် မြန်မာ့ ရိုးရာယဉ်ကျေးမှု အစဉ်အလာမပျက် နှစ်စဉ်ကျင်းပမြဲဖြစ်သည့် ကဆုန် ညောင်ရေသွန်းပွဲတော်ကို အောင်မြင်စွာ ကျင်းပပြုလုပ်နိုင်ရေးအတွက် လုပ်ငန်း ညှိနှိုင်းအစည်းအဝေးကို ဝါရီရူ အစည်းအဝေးခန်းမ၌ ယနေ့ နံနက်(၁၀)နာရီက ကျင်းပပြုလုပ်ခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဌဦးထင်လင်းအောင် က အဖွင့် အမှာစကားပြောကြားရာတွင် ကဆုန် လပြည့်(ဗုဒ္ဓနေ့)ဖြစ်သည့် နေ့ထူး နေ့မြတ် တွင် ကျိုက်ပေါင်းစေတီအတွင်းရှိမြတ်ဗုဒ္ဓ ၏ မျက်နှာတော်အား ရေသပ္ပာယ်ခြင်း၊ အမွှေးနံ့သာများဆက်ကပ်ခြင်း၊ မျက်နှာတော်ကို ရောင်တော်ဖွင့်ခြင်း၊ ဆွမ်းဆန်စိမ်းလောင်းလှူခြင်းနှင့် မြန်မာ့ရိုးရာယဉ်ကျေးမှု အစဉ်အလာ မပျက် နှစ်စဉ်ကျင်းပမြဲဖြစ်သည့် ကဆုန်ညောင်ရေသွန်းပွဲတော်တို့ကို စည်ကား သိုက်မြိုက်စွာ ကျင်းပနိုင်ရေး အတွက် ကော်မတီ၀င်များအားလုံးက ဝိုင်း၀န်းကူညီ ဆောင်ရွက်ပေးကြရန် ပြောကြားခဲ့ပြီး ဌာန ဆိုင်ရာ တာ၀န်ရှိသူများ ကော်မတီ၀င် များက ကဆုန်ညောင်ရေသွန်းပွဲတော် ကိုကျိုက်ပေါင်းဆံတော်ရှင် ရှိ မဟာဗောဓိညောင်ပင်တွင်ညောင်ရေ သွန်းလောင်းဆောင်ရွက်ခြင်းအပြင် စတုဒီသာများဧည့်ခံကျွေးမွေးသွားမည်ဖြစ်ပါကြောင်းနှင့် ကဆုန်လပြည့်နေ့တွင်လည်း ထန်းပင်ချောင်ကြီးကျေးရွာ ဗောဓိတစ်ထောင်စေတီအပါအဝင် ဇင်းကျိုက်ရပ်ကွက်ရှိဘုရားစေတီနှင့်ပေါင်မြို့နယ်အတွင်းရှိ နေရာများတွင် ညောင်ရေသွန်းပွဲ တော်နှင့် စတုဒီသာများကျွေးမွေးသွားမည်ဖြစ်ကြောင်းသိရသည်။
https://t.me/MyanmarNationalPost
No comments:
Post a Comment