MNP ၊ ဧပြီ ၁၅
စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ အောက်တောင်ပေါ်ကျေးရွာတွင် ယမန်နေ့ ည က ပြုလုပ်ခဲ့သည် ကျင်းပပြုလုပ်လျက်ရှိသည့် ကျေးရွာဇာတ်ပွဲအတွင်းအား PDF အမည်ခံ အကြမ်းဖက်သမားများမှ ဗုံထောင်ဖောက်ခွဲတိုက်ခိုက်ခဲ့၍ အပြစ်မဲ့ ပြည်သူ ၂ဦး သေဆုံး၊ ၉ ဦး ထိခိုက်ဒဏ်ရာများရရှိခဲ့ကြောင်း သိရသည်။
သင်္ကြန်အကျနေ့ ၂၀၂၃ခု နှစ်၊ ဧပြီလ ၁၄ ရက် နေ ည ၁၀နာရီခွဲ ချိန်ခန့်တွင် ဟုမ္မလင်းမြိုနယ်၊ အောက်တောင်ပေါ်ကျေးရွာတွင် ကျင်းပပြုလုပ်လျက်ရှိသည့် ကျေးရွာဇာတ်ပွဲအတွင်းရှိ ဆိုင်ကယ်ရပ်နားသည့်နေရာတွင် PDF အမည်ခံအကြမ်းဖက်အဖွဲ့များမှ မိုင်းအား ဆိုင်ကယ်ဒူးကာနှစ်ဘက်အတွင်းထည့်သွင်း၍ ယုတ်မာရက်စက်စွာ ဖောက်ခွဲခဲ့ကြောင်း သိရသည်။
အဆိုပါ အောက်တောင်ပေါ်ကျေးရွာတွင် အိမ်ခြေ ၉၂ အိမ်၊ အိမ် ထောင်စု ၉၈ စု၊ လူဦးရေ ကျား ၂၆၀ ဦး၊ မ ၂၅၁ ဦး၊ ပေါင်း ၅၁၁ ဦး ရှိပြီး မိုင်းပေါက်ကွဲမှုကြောင့် ပွဲတော်သို့လာရောက်လည်ပတ်သည့် ပြည်သူလူထုများထဲမှ အပြစ်မဲ့ ပြည်သူ အမျိုးသမီး ၂ ဦး သေဆုံးခဲ့ပြီး အမျိုးသား ၇ဦးနှင့် အမျိုးသမီး ၂ ဦးမှာလည်း ထိခိုက်ဒဏ်ရာများရရှိခဲ့ကြောင်း သိရသည်။
အထက်ပါဖြစ်စဉ်တွင် ထိုခိုက်ဒဏ်ရာ ရရှိသူများအား လုံခြုံရေး တပ်ဖွဲ့ဝင်များက ဟုမ္မလင်းမြို့ တပ်မတော် ဆေးရုံသို့ ပို့ဆောင်ဆေးကုသမှု ခံယူစေလျက်ရှိကြောင်းနှင့် အကြမ်းဖက်မှုကို ကျူးလွန်ခဲ့သည့် အကြမ်းဖက်သမားများအား အမြန်ဆုံး ဖော်ထုတ်ဖမ်းဆီး၍ ဥပဒေနှင့်အညီ အပြစ်ပေးအရေးယူနိုင်ရေး ဆက်လက် ဆောင်ရွက်လျက်ရှိကြောင်း သိရသည်။
#MyanmarNationalPost
No comments:
Post a Comment