MNP ၊ ဧပြီ ၂၁
စစ်ကိုင်းတိုင်းဒေသကြီး၊ အရာတော်မြို့နယ်၊ ဆင်တလည်ကျေးရွာအနီးတွင် ဧပြီလ ၁၉ ရက်နေ့ ညနေ ၅ နာရီ ၄၀ မိနစ်အချိန်၌ လုံခြုံရေးတပ်ဖွဲ့များသည် လုံခြုံရေးလုပ်ငန်းများဆောင်ရွက်နေစဉ် PDFအကြမ်းဖက်သမားများက လက်လုပ်မိုင်းများဖောက်ခွဲပြီး လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်သဖြင့် လုံခြုံရေးတပ်ဖွဲ့ဝင်များက ပြန်လည်ပစ်ခတ်တိုက်ခိုက်ခဲ့ရာ အကြမ်းဖက်သမားများသည် ကျေးရွာ၏တောင်ဘက်သို့ ထွက်ပြေးသွားကြသည်။
လုံခြုံရေးတပ်ဖွဲ့များက အခင်းဖြစ်နေရာအနီးအား ရှာဖွေစစ်ဆေးခြင်းများဆောင်ရွက်ခဲ့ရာ ကျေးရွာဓမ္မာရုံအတွင်းမှ လက်လုပ်စိန်ပြောင်း ၅ လက်၊ လက်လုပ်ဗုံးသီး ၄ လုံး၊ လက်လုပ်မိုင်း ၂၂ လုံး၊ လက်လုပ်လက်ပစ်ဗုံး ၆ လုံး၊ လက်လုပ်ပြောင်းချောသေနတ် ၃ လက်၊ ၁၂ ဗို့ကျည် ၅၀ တောင့်၊ ယမ်းမှုန့် ၁ ထုပ်၊ ဘက္ထရီအိုး ၆ လုံးနှင့် ကျောပိုးအိတ် ၁ အိတ်တို့အားတွေ့ရှိသိမ်းဆည်းရမိခဲ့ကြောင်း သိရသည်။
#MyanmarNationalPost
No comments:
Post a Comment