MNP ၊ ဧပြီ ၄
မွန်ပြည်နယ်၊ ပေါင်မြို့နယ်တွင် သထုံခရိုင် လျှပ်စစ်အင်ဂျင်နီယာရုံး တို့ပူးပေါင်းကာ အသိပညာပေးဆွေးနွေးပွဲ (Talk Show) ကို ယနေ့ နံနက်ပိုင်းက ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ အွန်လိုင်းမှတစ်ဆင့် ကျင်းပပြုလုပ်ခဲ့သည်။
ဆွေးနွေးပွဲတွင် ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်ဇာစိုးက (Talk Show) ပြုလုပ်ရခြင်း၏ရည်ရွယ်ချက်ကို ရှင်းလင်းပြောကြားသည်။
ထို့နောက် ပေါင်မြို့နယ်လျှပ်စစ်အင်ဂျင်နီယာရုံးမှ မြို့နယ်အင်ဂျင်နီယာ ဦးရဲထွန်း က လျှပ်စစ်အန္တရာယ်ဖြစ်ပေါ်စေသည့်အကြောင်းအရာများ၊ကာကွယ်ရမည့်နည်းလမ်းများ၊လျှပ်စစ်အန္တရာယ်ဖြစ်ပွါးလာပါကဆောင်ရွက်ရမည့်နည်းလမ်းများ၊ပြည်သူများအနေဖြင့် လတ်တလောအသုံးမပြုသည့် လျှပ်စစ်ပစ္စည်းများ၏ Plug ခေါင်းများကို Socket များမှဖြုတ်ထားခြင်း၊တီဗွီနှင့်အောက်စက်တို့ကို အသုံးမပြုသည့်အခါ လျှပ်စစ်ခလုပ်ကိုအပြီးပိတ်ထားကြပါရန်၊မီးပူတိုက်နေစဉ်အလုပ်မလုပ်ဘဲဂရုစိုက်ကြရန်လိုအပ်ပါကြောင်း၊တစ်အိမ်လုံးတွင် မည်သူမျှ မရှိနေချိန်၌ မလိုအပ်သော လျှပ်စစ်အသုံးပြုမှုအားလုံးကိုပိတ်ခြင်းဖြင့်လျှပ်စစ်အန္တရာယ်ကို ကာကွယ်ပါကြောင်း စသည့်လျှပ်စစ်အန္တရာယ်ကင်းဝေးစေရေးအကြောင်း သိကောင်းစရာတို့ကို အကျယ်တဝင့် ရှင်းလင်းဆွေးနွေးခဲ့ကြသည်။
ပေါင်မြို့နယ်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ပြည်သူများအသိပညာများတိုးပွားစေရေးအတွက် ယခုကဲ့သို့ အသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် အသိပညာပေးဝန်ဆောင်မှုလုပ်ငန်းများကို စဉ်ဆက်မပြတ်ဆောင်ရွက်လျှက်ရှိပြီး Talk Show အစီအစဉ်များကို ပြည်သူများအကျိုးရှိစေမည့် သတ်မှတ် ခေါင်းစဉ်အလိုက် ရိုက်ကူးထုတ်လွှင့်ခြင်းအား လူထုအခြေပြုဗဟိုဌာနခန်းမ၌ လစဉ်ပုံမှန် ပြုလုပ်လျှက်ရှိကြောင်း သိရသည်။
https://t.me/MyanmarNationalPost
No comments:
Post a Comment