MNP ၊ မေ ၁၇
ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ်တွင် မေလ ၁၄ ရက်နေ့က လေပြင်းတိုက်ခတ်ပြီးမိုးသည်းထန်စွာရွာသွန်းသဖြင့် ကျေးရွာအုပ်စုများတွင် လူနေအိမ်များ အမိုးလန်ပြိုကျပျက်စီးမှုများဖြစ်ပေါ်ခဲ့ရာ ထောက်ပံ့ပေးရန်ကျန်ရှိနေသည့် လေဘေးသင့်နေအိမ်များအတွက် ထောက်ပံ့ငွေနှင့်ပစ္စည်းများကို အထွေထွေအုပ်ချုပ်ရေးဦးစီးဌာနအစည်းအဝေးခန်းမတွင် ဒုတိယမြို့နယ်အုပ်ချုပ်ရေးမှူးဦးဇော်ဇော်ဦးနှင့်တာဝန်ရှိသူများ၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှဝန်ထမ်းများ၊ မြို့နယ်ကြက်ခြေနီအသင်းမှတာဝန်ရှိသူများက ယနေ့နေ့လယ်ပိုင်းက လေဘေးသင့်အိမ်ထောင်စုများအား ထောက်ပံ့ပေးအပ်ခဲ့ကြောင်း သိရသည်။
ယင်းသို့ ထောက်ပံ့ပေးအပ်ရာတွင် လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ဦးစီးအရာရှိနှင့်တာဝန်ရှိသူများက ပေါက်ခေါင်းမြို့နယ်ကျေးရွာအုပ်စု(၈)အုပ်စုမှ အမိုးလန်နေအိမ်(၁၇)လုံးနှင့် သစ်ပင်ပိနေအိမ်(၁)လုံးတို့အတွက်ပေးအပ်ခဲ့ရာ အမိုးလန်သည့်နေအိမ်များအတွက် အိမ်အမျိုးအစားပေါ်မူတည်၍ နေအိမ်တစ်လုံးအတွက်ကျပ် ၂၀၀၀၀/- မှ ၃၀၀၀၀/-နှင့် ဆန်ရိက္ခာဖိုးမိသားစုဝင်တစ်ဦးလျှင် နှစ်ထောင့်တစ်ရာကျပ်၊ သစ်ပင်ပိနေအိမ်(၁)လုံးအတွက် အိမ်ဆောက်ပစ္စည်းထောက်ပံ့ငွေကျပ် (၂၀၀၀ဝိ/-)၊ စုစုပေါင်းထောက်ပံ့ငွေ(၆၈၂၈၀၀ိ/-)နှင့် မြန်မာနိုင်ငံကြက်ခြေနီအသင်းက ထောက်ပံ့ပေးအပ်သည့် ပြိုလဲနေအိမ်အတွက် Hygienekit တစ်စုံစီတို့အား ဒုတိယမြို့နယ်အုပ်ချုပ်ရေးမှူးဦးဇော်ဇော်ဦး၊ ဘေးအန္တရာယ်ဆိုင်ရာစီမံခန့်ရေးဦးစီးဌာနမှဝန်ထမ်းများ၊ မြို့နယ်ကြက်ခြေနီအသင်းမှတာဝန်ရှိသူများက ကျေးရွာအုပ်ချုပ်ရေးမှူးများနှင့်အတူ လေဘေးသင့်ပြည်သူများလက်ဝယ်အရောက် ထောက်ပံ့ပေးအပ်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment