လက်ရွေးစင်ကစားသမား ဝင်းနိုင်ထွန်း အင်ဒိုနီးရှားလိဂ်-၁မှ ဘော်နီယို ဆမာရင်ဒါအသင်း သို့ ပြောင်းရွှေ့သွားပြီ

MNP ၊ မေ ၂၇

မြန်မာ့အလက်ရွေးစင်နှင့် ရန်ကုန်ယူနိုက်တက်အသင်း၏ တိုက်စစ်မှုး ဝင်းနိုင်ထွန်း အား ဘော်နီယို ဆမာရင်ဒါ အသင်းသို့ သွားရောက်ကစားခွင့်ပြုလိုက်ပြီဖြစ်ကြောင်း ရန်ကုန်ယူနိုက်တက်အသင်း က သတင်းထုတ်ပြန်ထားသည်။

ရန်ကုန်ယူနိုက်တက်အသင်း တိုက်စစ်မှုး ဝင်းနိုင်ထွန်း အား နိုင်ငံတကာအတွေ့အကြုံများရရှိရန်အတွက် အင်ဒိုနီးရှားလိဂ်-၁ ကလပ် ဘော်နီယို ဆမာရင်ဒါ အသင်းသို့ သွားရောက်ကစားခွင့်ပြုလိုက်ပြီဖြစ်ကြောင်း၊ မြန်မာနေရှင်နယ်လိဂ် ဂိုးသွင်းအများဆုံးကစားသမားတစ်ဦးဖြစ်သည့် ဝင်းနိုင်ထွန်းအား အင်ဒိုနီးရှားလိဂ်-၁ ကလပ်အသင်း ဘော်နီယို အသင်းမှ ၎င်းတို့ကလပ်အသင်းတွင် တစ်ရာသီလာရောက်ကစားရန် ရန်ကုန်ယူနိုက်တက်အသင်းအား တရားဝင်ကမ်းလှမ်းလာသည့်အတွက် ရန်ကုန်ယူနိုက်တက်အသင်းက ခွင့်ပြုခဲ့ခြင်းဖြစ်ကြောင်း သိရသည်။

ရန်ကုန်ယူနိုက်တက်အသင်းအတွက် အားထားရသည့်တိုက်စစ်မှုးဖြစ်သည့် ဝင်းနိုင်ထွန်းသည်  ရန်ကုန်ယူနိုက်တက်အသင်းနှင့် ယခုနှစ်ကုန်အထိ စာချုပ်လက်ကျန် ရှိနေသော်လည်း မြန်မာ့လက်ရွေးစင်အသင်းနှင့် မြန်မာနေရှင်နယ်လိဂ် အတွက်အထောက်အကူဖြစ်‌စေရန်နှင့် နိုင်ငံတကာအတွေ့အကြုံကောင်းများရရှိစေရန် ရည်ရွယ်ပြီး အင်ဒိုနီးရှားလိဂ်-၁ ကလပ် ဘော်နီယို အသင်းသို့ သွားရောက်ကစားခွင့်ပြုလိုက်ခြင်းဖြစ်ကြောင်း၊ ရန်ကုန်ယူနိုက်တက်အသင်း က ထုတ်ပြန်ထားသည်။

#MyanmarNationalPost