MNP ၊ မေ ၁၆
ရခိုင်ပြည်နယ် မာန်အောင်မြို့နယ်တွင် ဆိုင်ကလုန်းမုန်တိုင်း မိုခါ တိုက်ခတ်မှုကြောင့် မြို့ပေါ်ရပ်ကွက်ရှိ လမ်းမပေါ်တွင် ပြန့်ကျဲ ကျိုးကျနေသော သစ်ပင်၊သစ်ကိုင်း၊သစ်ခက်၊သစ်ရွက်၊အမှိုက်များအား ယနေ့နံနက်၈နာရီက ဌာနဆိုင်ရာနှင့်ဝန်ထမ်းများစုပေါင်း သန့်ရှင်းရေးများ ဆောင်ရွက်ခဲ့ကြသည်။
ထိုသို့ ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့၊(ခေတ္တ)ဥက္ကဋ္ဌ ဗိုလ်မှူးသူရိန်စိုး ဦးဆောင်မှုဖြင့်ဌာနဆိုင်ရာနှင့်ဝန်ထမ်းများ၊တပ်မတော် တပ်ဖွဲ့ဝင်များ၊မြို့နယ် မီးသတ်တပ်ဖွဲ့ဝင်များ၊မြန်မာနိုင်ငံရဲတပ်ဖွဲ့ဝင်များ၊ပါဝင်သော ပူးပေါင်း အဖွဲ့က မြို့ပေါ်ရပ်ကွက်ရှိ လမ်းမပေါ်တွင် ပြန့်ကျဲ နေသောသစ်ကိုင်း၊သစ်ခက်၊သစ်ရွက်၊အမှိုက်များ၊လမ်းမပေါ်သို့ထိုးထွက်နေသောသစ်ကိုင်းများကို ခုတ်ထွင်ရှင်းလင်းခြင်း၊အမှိုက်များကောက်ခြင်း၊အမှိုက်များကို မြို့နယ်စည်ပင်သာယာရေးအဖွဲ့ပိုင်ကားများဖြင့်စနစ်တကျစွန့်ပစ်ခြင်းစသည့် သန့်ရှင်းရေးများကိုစုပေါင်းဆောင်ရွက်ခဲ့ကြကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment