MNP ၊ မေ ၁၃
ရခိုင်ပြည်နယ်၊ စစ်တွေခရိုင်၊ပေါက်တောမြို့ရပ်ကွက် များတွင် ယနေ့ နံနက်ပိုင်းက မီးသတ်ဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန နှင့် မြို့နယ်ရဲတပ်ဖွဲ့တို့ ပူးပေါင်း၍ မုန်တိုင်းအန္တရာယ် အသိပေးနှိုးဆော်ချက် လှည့်လည်ကြေညာကြသည်။
ထို့သို့ ကြေညာရာတွင် မြန်မာစံတော်ချိန် (၀၅:၃၀)နာရီအချိန် တိုင်းထွာချက်အရ ဘင်္ဂလားပင်လယ်အော်အရှေ့အလယ်ပိုင်းတွင် ဖြစ်နေသော အလွန့်အလွန်အားကောင်းသောဆိုင် ကလုန်းမုန်တိုင်း “မိုခါ” မြောက်-အရှေ့မြောက်သို့ ရွေ့လျား ကိုကိုးကျွန်း၏ အနောက်-အနောက်မြောက်ဘက် ရေမိုင်(၂၆၀)မိုင်ခန့်၊ ဟိုင်းကြီးကျွန်း၏ အနောက်-အနောက် တောင်ဘက် ရေမိုင်(၃၀၅)မိုင်ခန့်၊ စစ်တွေမြို့၏ အနောက်တောင် ဘက် ရေမိုင်(၃၅၀)မိုင်ခန့်၊ အိန္ဒိယနိုင်ငံ၊ ပို့ပလဲယား၏ မြောက်- အနောက်မြောက်ဘက် ရေမိုင်(၃၁၅)မိုင်ခန့်နှင့် ဘင်္ဂလားဒေ့ရှ်နိုင်ငံ၊ ကော့ဘဇားမြို့၏ တောင်-အနောက်တောင်ဘက် ရေမိုင်(၃၈၅)မိုင်ခန့် လက်ရှိ ကော့ဘဇား-ကျောက်ဖြူတို့ကြားကို စစ်တွေမြို့အနီးမှ ဖြတ်ကျော်ဝင်ရောက်နိုင်-အနီရောင်အဆင့်သို့ ရောက်ရှိပြီဖြစ်ကြောင်း၊မိဘပြည်သူများ၊သက်ကြီးရွယ်အိုများ ဘေးလွတ်ရာသို့ ရွှေ့ပြောင်းနေထိုင်ကြရန်၊ ဒီရေမြင့်တက်လာနိုင်သောကြောင့် အသက်အန္တရာယ်နှင့်ကြုံတွေ့လာပါက အသက်ကယ် အင်္ကျီများ ဝတ်ဆင် ထားကြရန် ၊မုန်တိုင်းအတွက် ကြိုတင်ပြင်ဆင်ရန်အချက်များ၊မုန်တိုင်းသတိပေးချက်ရလျှင် ဆောင်ရွက် ရန်အချက်များ၊ မုန်တိုင်းဖြစ်ပေါ်နေစဉ်တွင် လိုက်နာရန်အချက် များ၊ရှောင်ရှား သင့်သည့် အချက် များ၊ မုန်တိုင်းပြီးဆုံးချိန်တွင် ဆောင်ရွက်ရမည့်အချက်များအား ပြည်သူများကျယ်ကျယ်ပြန့်ပြန့် သိရှိနိုင်ရန်အသိပေးနိုးဆော်ခဲ့ကြောင်း သိရသည်။
ဝင်းမင်းစိုး
https://t.me/MyanmarNationalPost
No comments:
Post a Comment