MNP ၊ မေ ၁၇
ဗန်းမော်ခရိုင်၊ ဗန်းမော်မြို့တွင် ၂၀၂၂-၂၀၂၃ ပညာသင်နှစ် ဗန်းမော်ခရိုင် “လူရည်ချွန်မောင်မယ် တွေ့ဆုံပွဲနှင့် အတွေ့အကြုံ ရှင်းလင်းပွဲ” ကို အမှတ်(၂) အခြေခံပညာ အထက်တန်းကျောင်း မြညီလာ ခန်းမတွင် ယမန်နေ့ နံနက် ၉ နာရီက ကျင်းပခဲ့ သည်။
အခမ်းအနားတွင် ခရိုင်ပညာရေးမှူး ဦးထွန်းအေးကျော်က လူရည်ချွန်ရွေးချယ်ရေးနှင့် ပတ်သက်သည့် အကြောင်းအရာ များကို ရှင်းလင်းပြောကြားပြီး မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ထွန်းတိုး က ဂုဏ်ပြုစကားပြောကြားသည်။ ထို့နောက် "ချယ်ရီတန်" ကိုယ်ပိုင်အထက်တန်းကျောင်းမှ Grade-11 လူရည်ချွန် မောင်ကောင်းဆက်သာက လူရည်ချွန် အတွေ့အကြုံကို ပရိုဂျက်တာ ဖြင့်ရှင်းလင်း ပြောကြားကာ ခရိုင်နှင့် မြို့နယ်အဆင့် ဌာနဆိုင်ရာများနှင့် အလှူရှင်များက ဂုဏ်ပြုဆုငွေများကို ပေးအပ်ချီးမြှင့်ရာ လူရည်ချွန်မောင်မယ်များက လက်ခံရယူသည်။ ဆက်လက်၍ ဗန်းမော်မြို့ အမှတ်(၂) အခြေခံပညာအထက်တန်းကျောင်းမှ Grade-10 လူရည်ချွန်မယ် မဒွဲလိန်က ကျေးဇူးတင်စကား ပြောကြားခဲ့သည်။
https://t.me/MyanmarNationalPost
No comments:
Post a Comment