MNP ၊ မေ ၁၈
ရခိုင်ပြည်နယ်၊ ပုဏ္ဏားကျွန်းမြို့နယ်တွင် အလွန်ပြင်းထန်သော မိုခါမုန်တိုင်းတိုက်ခတ် မှုကြောင့် မေလ (၁၄)ရက်နေ့က ပြိုလဲခဲ့သည့် ဓာတ်တိုင်များနှင့်သစ်ပင်ကြီးများအား မြို့နယ် ရဲတပ်ဖွဲ့မှူး ရဲမှူးညွန့်ဝင်းနှင့်တပ်ဖွဲ့ဝင်များ၊ မြို့နယ်မီးသတ်တပ်ဖွဲ့ဝင်များနှင့်မြို့နယ် လျှပ်စစ်ဓာတ်အားဖြန့်ဖြူးရေးလုပ်ငန်းမှ တာဝန်ရှိသူများက ယမန်နေ့နှင့်ယနေ့နံနက်ပိုင်းတို့တွင် ပြန်လည် တည်မတ်ရှင်းလင်းများ ဆောင်ရွက်ခဲ့ကြသည်။
မြို့နယ်ရဲတပ်ဖွဲ့မှူး ရဲမှူးညွန့်ဝင်းနှင့်တပ်ဖွဲ့ဝင်များ၊ မြို့နယ်မီးသတ်တပ်ဖွဲ့ဝင်များက မေလ(၁၄)ရက်နေ့ မိုခါမုန်တိုင်းတိုက်ခတ်ပြီးသည်နှင့်တပြိုင်နက်တည်း မြို့ပေါ်ရပ်ကွက် လမ်းများအတွင်း လမ်းမပေါ်တွင် ပြိုလဲကျရောက်နေသည့် သစ်ပင်ကြီးများအား ခုတ်ထွင်ရှင်းလင်းခြင်း၊ စာသင်ကျောင်းများနှင့်ဘုန်ကြီးကျောင်းများ၌ ပြိုလဲနေသည့်ပျက်စီးနေသည့် သစ်ပင်ကြီးများနှင့်ပိတ်ဆို့ပျက်စီးနေသည့် အဆောက်အဉီတို့ကို ဖယ်ရှားရှင်းလင်းခြင်းတို့ ဆောင်ရွက်ပေးခဲ့သည်။ အလားတူ ယနေ့ နံနက်ပိုင်းက ဓာတ်တိုင်များ၊ ဓာတ်အားကြိုးများ လမ်းမပေါ်တွင် ပြိုလဲကျရောက်နေသော ၄၀၀ ဗို့ဓာတ်အားလိုင်း 9M တိုင်များအား ပြန်လည် တည်မတ်ဖယ်ရှားခြင်းများကို မြို့နယ်လျှပ်စစ်ဓာတ်အားဖြန့်ဖြူးရေးလုပ်ငန်းမှ တာဝန်ရှိသူ များက မြို့နယ် ရဲတပ်ဖွဲ့ဝင်များ၊မီးသတ်တပ်ဖွဲ့ဝင်တို့နှင့်ပူးပေါင်းဆောင်ရွက်ခဲ့ကြသည်။
ပုဏ္ဏားကျွန်းမြို့နယ်တွင် မိုခါမုန်တိုင်းကြောင့် အခြေခံပညာကျောင်း ၁၉၉ ကျောင်းနှင့် မြို့နယ်ပညာရေးမှူးရုံး(၁)ရုံး သာသနာ့အဆောက်အအုံ (၆၄)ခု၊ ဌာနဆိုင်ရာရုံး အဆောက်အဉီ (၂၆)ရုံး၊နှင့် လူနေအိမ်စုစုပေါင်း (၉၁၀၀)ကျော်ခန့် အမိုးလန် ပျက်စီးရှုံးဆုံးခဲ့ကြောင့် မြို့နယ် အထွေထွေအုပ်ချုပ်ရေးဦးစီးဌာနမှသိရသည်။
နီထွန်းအောင်
https://t.me/MyanmarNationalPost
No comments:
Post a Comment