MNP ၊ မေ ၁၆
မန္တလေးတိုင်းဒေသကြီး၊ ညောင်ဦးခရိုင်၊ ငါ့သရောက်မြို့၌ မိုးဦးကာလ မိုးရွာလာသည်နှင့် တောင်သူများဟာ တောင်ယာစိုက်ပျိုးရေး လုပ်ငန်းများ စတင်လုပ်ကိုင်နေပြီ ဖြစ်ကြောင်း သိရသည်။
ငါ့သရောက်မြို့တွင် တောင်သူများဟာ စိုက်ပျိုးရေးလုပ်ငန်းများကို အဓိကလုပ်ကိုင်ကြပြီး ယခုအခါ မိုးရွာလာ၍ မြေပဲ၊ နှမ်းများ သူထက်ငါ စိုက်ပျိုးနေကြကြောင်း ဆည်ကျေးရွာ စိုက်ပျိုးတောင်သူ ဦးကျော်စိုးထံမှ သိရသည်။ မိုးကျလာတော့ သုံးလမြေပဲနှင့် ခြောက်လမြေပဲများ စတင်စိုက်ပျိုးနေကြပြီး နွားရှဉ်းအငှားလိုက်သူများ၊ ယာထွန်စက် အငှားလိုက်သူများနှင့် မြေပဲချအငှားလိုက်သူများ သူထက်ငါ ငှားနေကျတော့ အငှားလိုက်သူတွေ နေ့စဉ်ဝင်ငွေရကာ အဆင်ပြေလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment