MNP ၊ မေ ၂၂
ရန်ကုန်တောင်ပိုင်းခရိုင်၊ ဒလမြို့နယ်လူထုအခြေပြုဗဟိုဌာန(Community Centre)ခန်းမ၌ ယနေ့ နေ့လယ်(၁၂)နာရီအချိန်က စာရေးဆရာသုတေသီဘုန်းမြင့်သွေးရေးသားသည့် မရှိမဖြစ်ဇွဲစာအုပ်ဖြင့်စာဖတ်ဝိုင်း ပြုလုပ်ကျင်းပခဲ့သည်။
စာဖတ်ဝိုင်းတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိဒေါ်သီတာဝင်းက စာဖတ်ဝိုင်းများကျင်းပရခြင်း၏ရည်ရွယ်ချက်ကို ရှင်းလင်းပြောကြားခဲ့သည်။ စာပေချစ်မြတ်နိုးသူများအသင်း(Women Club)အဖွဲ့ဝင်ဒေါ်လှလှရီက စာရေးဆရာသုတေသီဘုန်းမြင့်သွေးရေးသားသည့် မရှိမဖြစ်ဇွဲ စာအုပ်ထဲမှာပါသည့် ဇွဲနဲ့ယုံကြည်မှုသဘော၊ ဇွဲနှင့်ရည်မှန်းချက်ခေါင်းစဥ်များဖြင့် တက်ရောက်လာသော စာပေချစ်ဝါသနာရှင်များက အပြန်အလှန်ဆွေးနွေးခဲ့ကြောင်း သိရသည်။
ဒလမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ပြည်သူများအသိပညာဗဟုသုတတိုးပွားစေရန်နှင့် စာဖတ်ရှိန်မြှင့်မားလာစေရန်ရည်ရွယ်၍ ပြည်သူ့စာကြည့်တိုက် Online Page မှတစ်ဆင့်စာအုပ်မိတ်ဆက်ခြင်း၊ ပုံပြင်ပြောခြင်း၊ ကဗျာရွတ်ဆိုခြင်း၊ စာအုပ်များဌားရမ်းပေးခြင်း၊ (Talk Show)နှင့်စာဖတ်ဝိုင်းများ ဆောင်ရွက်ပေးခြင်းအပြင် သင်တန်းများ၊ ပြပွဲ၊ ပြိုင်ပွဲများကိုလည်း ကျင်းပပြုလုပ်ပေးလျက်ရှိသည်။
မြင့်ဇော်
https://t.me/MyanmarNationalPost
No comments:
Post a Comment