MNP ၊ မေ ၂၃
ရခိုင်ပြည်နယ် ၊ သံတွဲခရိုင်၊ ဂွမြို့နယ်၊ ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန လူထုအခြေပြုဗဟိုဌာနတွင် ယမန်နေ့၊ နေ့လယ် ၁၂ နာရီက စာရေးဆရာ မြသန်းတင့်၏ "ဓားတောင်ကိုကျော်၍မီးပင်လယ်ကိုဖြတ်မည်"စာအုပ်ဖြင့် စာဖတ်ဝိုင်းပြုလုပ်ခဲ့သည်။
အဆိုပါစာဖတ်ဝိုင်းတွင်စာရေးဆရာမြသန်းတင့်၏ "ဓားတောင်ကိုကျော်၍မီးပင်လယ်ကိုဖြတ်မည်"စာအုပ်ပါ“ ဇာတ်ဆောင်လေးဦး၏ ဆက်ဆံရေး၊ ဇာတ်ဆောင်လေးဦး၏ ပဋိပက္ခ၊ ထိုပဋိပက္ခများကို ဖြေရှင်းပုံ၊ ဇာတ်ဆောင်သံချောင်း၏ ကိုယ်ကျိုးစွန့်မှု ၊ အနစ်နာခံတတ်မှု၊ လက်တွေ့ကျမှု၊ ပညာ မတတ်သော်လည်း ပညာတတ်သူတို့ထံမှ အသိအမြင် အတွေးအခေါ်တို့ကို တစ်ဆင့် သိရသည်နှင့် ချက်ချင်း လက်တွေ့ အကောင်အထည်ဖော်ကာ ဘ၀အခက်အဲကို ဖြေရှင်းသွားတတ်မှုများကို အသိပညာဗဟုသုတရဖွယ် ရေးသားထားကြောင်း၊ စာပေဖြင့် ဘဝလမ်းမှန်ကို ရှာဖွေရှင်သန်နိုင်ကြောင်း စသည့်အကြောင်းအရာများအားဆွေးနွေးကြရာ ဖြစ်ကြောင်းတက်ရောက်လာကြသည့်(Book Club)စာပေချစ်မြတ်နိုးသူများမှ အပြန်အလှန်ဆွေးနွေးခဲ့ကြကြောင်း သိရသည်။
ဂွမြို့နယ်၊ပြန်ကြားရေးနှင့်ပြည်သူ့ဆက်ဆံရေးဉီးစီးဌာနရုံးအနေဖြင့် ပြည်သူများအသိပညာဗသုသုတရရှိစေရန် အသိပညာပေး လုပ်ငန်းများ အားစဉ်ဆက်မပြတ်လွှင့်တင် ဆောင်ရွက်ပေးလျက်ရှိကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment