MNP ၊ မေ ၁၈
မန္တလေးဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ် အမှတ်(၁) အခြေခံပညာအထက်တန်းကျောင်းတွင် ပညာရေးဝန်ကြီးဌာန၊ အခြေခံပညာဦးစီးဌာန ၂၀၂၃-၂၀၂၄ ပညာသင်နှစ် အခြေခံပညာ Grade-9 သင်ရိုးသစ် ဆင့်ပွားသင်တန်းဖွင့်ပွဲ အခမ်းအနားကို ယမန်နေ့နံနက် ၉ နာရီက ကျင်းပခဲ့ကြောင်း သိရသည်။
သင်တန်းဖွင့်ပွဲ အခမ်းအနားတွင် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ကျော်ထွန်းက သင်တန်းဖွင့်အမှာစကားပြောကြားပြီး၊ ပြင်ဦးလွင်ခရိုင် ပညာရေးမှူး ဒေါက်တာရွှေစင်အိ က Grade-9 သင်ရိုးသစ်ဘာသာရပ်ဆိုင်ရာများ၊ သင်ရိုးသစ်ကျောင်းသုံးပြဌာန်းစာအုပ်နှင့် ဆရာကိုင်လမ်းညွှန်စာအုပ် အသုံးပြုပုံများကို နားလည်သဘောပေါက်စေရန် ရည်ရွယ်၍ Grade- 9 သင်ရိုးသစ် ဆင့်ပွားသင်တန်းဖွင့်လှစ်ရခြင်းဖြစ်ကြောင်းနှင့် ခရိုင်အတွင်းရှိ အလယ်တန်းအဆင့် ဆရာ/ဆရာများကို သင်တန်းပို့ချပေးသွားမည်ဖြစ်ကြောင်း ရှင်းလင်းပြောကြားခဲ့သည်။
အဆိုပါ သင်တန်းဖွင့်ပွဲအခမ်းအနားသို့ ပြင်ဦးလွင်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ကျော်ထွန်းနှင့် ခရိုင်စီမံအုပ်ချုပ်ရေးအဖွဲ့ဝင်များ၊ ခရိုင်ပညာရေးမှူး၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးတင်အောင်လွင်နှင့်အဖွဲ့ဝင်များ၊ မြို့နယ်ပညာရေးမှူးနှင့် ကျောင်းအုပ်ဆရာ/ဆရာမကြီးများ၊ ဌာနဆိုင်ရာအကြီးအကဲများ အလယ်တန်းအဆင့် ဆရာ/ဆရာမများ တက်ရောက်ခဲ့ကြောင်း သိရသည်။
Grade-9 သင်ရိုးသစ် ဆင့်ပွါးသင်တန်းအား ပြင်ဦးလွင်မြို့ အမှတ်(၁)အခြေခံပညာအထက်တန်းကျောင်းနှင့် အမှတ်(၄)အခြေခံပညာအထက်တန်းကျောင်း တို့တွင် သင်တန်းနည်းပြ(၄၂) ဦးတို့က ဆရာ/ဆရာမစုစုပေါင်း(၅၆၇)ဦးတို့အား မေလ ၁၇ ရက်နေ့မှ မေလ ၂၄ ရက်နေ့အထိ သင်တန်းဖွင့်လှစ်ပို့ချပေးသွား မည်ဖြစ်ကြောင်း ခရိုင်ပညာရေးမှူးရုံးမှ သိရသည်။
ဖြူလူသစ်
https://t.me/MyanmarNationalPost
No comments:
Post a Comment