MNP ၊ ဇွန် ၁၃
ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်အတွင်း မိုးစပါးစိုက်ပျိုးတောင်သူများ စိုက်ပျိုးစရိတ်အတွက် အထောက်အကူဖြစ်စေရန်အတွက်ရည်ရွယ်၍ ၂၀၂၃ ခုနှစ်၊ မိုးရာသီစိုက်ပျိုးစရိတ်ချေးငွေများထုတ်ချေးပေးလျက်ရှိရာ ယနေ့နံနက်ပိုင်းကမြန်မာ့လယ်ယာဖွံ့ဖြိုးရေးဘဏ်(ခွဲ)၌ ရေသျှံကြီးကျေးရွာအုပ်စုအတွင်းရှိ တောင်သူများအား ထုတ်ချေးပေးခဲ့ကြောင်း သိရသည်။
ထိုသို့ထုတ်ချေးရာတွင် ရေသျှံကြီးကျေးရွာအုပ်စုအတွင်းရှိ တောင်သူ(၄၀)ဦး၊ စိုက်ပျိုး ဧက(၁၈၁)ဧကအတွက် စိုက်ပျိုးဧက(၁)ဧကလျှင် ငွေကျပ်(၁၅၀၀၀၀)နှုန်းဖြင့် ငွေကျပ် (၂၇၁)သိန်း၊ (၅)သောင်းကို တောင်သူများလက်ဝယ်အရောက် ထုတ်ချေးပေးခဲ့ကြောင်း သိရသည်။
ချေးငွေထုတ်ချေးရာတွင် ချေးငွေစည်းမျဥ်းစည်းကမ်းချက်များနှင့်ညီညွတ်သော တောင်သူများကိုသာ အတိုးနှုန်းသက်သာစွာ တစ်နှစ်လျှင် အတိုး(၅)ရာခိုင်နှုန်းဖြင့် ထုတ်ချေးပေးနေခြင်းဖြစ်ကြောင်း မြို့နယ်မန်နေဂျာဒေါ်ညိုညိုသန်းထံမှ သိရသည်။
နေမျိုးလွင်
https://t.me/MyanmarNationalPost
No comments:
Post a Comment