MNP ၊ ဇွန် ၁၆
ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်၊ မိုင်းပျဉ်းမြို့တွင် စည်ပင်သာယာရေးဌာနမှ မြို့နယ်ဖွံ့ဖြိုးတိုးတက်သာယာလှပရေးလုပ်ငန်းများကို စဉ်ဆက်ပြတ် ဆောင်ရွက်လျက်ရှိရာ ယနေ့နံနက်ပိုင်းက ပိန်းဆန်းရပ်ကွက်အတွင်းရှိ သစ္စာလမ်းအား ကွန်ကရစ်ခင်းခြင်းလုပ်ငန်း ဆောင်ရွက်လျက်ရှိကြောင်း သိရှိရသည်။
အဆိုပါ ပိန်းဆန်းရပ်ကွက်အတွင်းရှိ သစ္စာလမ်းအား ၂၀၂၃−၂၀၂၄ခု ဘဏ္ဍာရေးနှစ် ပထမ(၃)လပတ်အတွက် ပြည်နယ်ခွင့်ပြုရန်ပုံငွေေ (၁၈၇)သိန်းဖြင့် ဆောင်ရွက်ရန် လျာထားသည့် အရှည်ပေ (၃၆၀)၊ အကျယ် (၁၀)ပေနှင့် အမြင့်ထုထည် (၆)လက်မ ကွန်ကရစ်ခင်းခြင်းလုပ်ငန်းကို တာဝန်ခံအင်ဂျင်နီယာ ဦးစိုင်းနွံမောင်က ဆောင်ရွက်နေမှုအား မိုင်းပျဉ်းမြို့နယ် စည်ပင်သာယာရေးဌာန အမှုဆောင်အရာရှိ ဦးကျော်ကျော်ဦးမှ ကွင်းဆင်းစစ်ဆေးဆောင်ရွက်ခဲ့ကြောင်း သတင်းရရှိသည်။
ရန်နောင်ထွန်း
https://t.me/MyanmarNationalPost
No comments:
Post a Comment