MNP ၊ ဇူလိုင် ၁၈
မွန်ပြည်နယ် ပေါင်မြို့နယ်တွင် လူမှုစီးပွားဘဝ အဆင့်အတန်းမြင့်မားအောင် ဆောင်ရွက်နိုင်ရေး အတွက် ဌာနဆိုင်ရာဝန်ထမ်းများနှင့် မိသားစုများအား (Biometric) ဒေတာ အချက်အလက်များ ဆက်လက်ကောက်ယူခြင်းကို ဇူလိုင် ၁၈ ရက်နေ့က ပေါင်မြို့နယ် ဝါရီရူခန်းမတွင် ဆောင်ရွက် လျက်ရှိကြောင်း သိရသည်။
အဆိုပါ အချက်အလက်များကောက်ယူ၍ နိုင်ငံအတွင်းနေထိုင်သူများ အားလုံးကို UID နံပါတ်ထုတ်ပေးခြင်း ဖြစ်ကြောင်း ၊ e-Government Application များနှင့် တွဲဖက်အသုံးပြုနိုင်ရန်အတွက် အခြေခံကျသည့် စနစ်ဖြစ်ကြောင်း၊ ပညာရေး ၊ ကျန်းမာရေးနှင့် အခြားလူမှုရေး ဝန်ဆောင်မှုလုပ်ငန်းများ လျှောက်ထားရာတွင် လွယ်ကူစွာလျှောက်ထားနိုင်မည်ဖြစ်ကြောင်းနှင့် မြို့နယ်အတွင်းရှိ နေထိုင်သူပြည်သူ အားလုံးကို ဆောင်ရွက်သွားမည် ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန မြို့နယ်ဦးစီးမှူးရုံးမှ သိရသည်။
မွန်မလေး
https://t.me/MyanmarNationalPost
No comments:
Post a Comment