MNP ၊ ဇူလိုင် ၁၈
ရခိုင်ပြည်နယ်၊စစ်တွေခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊လူထုအခြေပြုဗဟိုဌာန၊Community Centreခန်းမ၌ ယနေ့နေ့လည် (၂)နာရီချိန်က ၇၆နှစ်မြောက်အာဇာနည်နေ့အကြိုအထိမ်းအမှတ် ပုံပြင်ပြောပြိုင်ပွဲကျင်းပပြုလုပ်ခဲ့သည်။
အဆိုပါပြိုင်ပွဲတွင် စစ်တွေမြို့ အမှတ်၁၅၊မူလွန်ပြည်တော်သာကျောင်းမှ ကျောင်းသားကျောင်းသူ၂၅ဦးက မိမိကြိုက်နှစ်သက်ရာခေါင်းစဥ်ဖြင့် ဝင်ရောက်ယှဥ်ပြိုင်ခဲ့ကြရာ ပထမရရှိသည့်ကျောင်းသားအား ရခိုင်ပြည်နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ပြည်နယ်ဦးစီးမှူး ဦးတင်ကိုဝင်းကလည်းကောင်း၊ ဒုတိယရရှိသည့်ကျောင်းသားအား စစ်တွေခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လက်ထောက်ညွှန်ကြားရေးမှူး၊ဒေါ်ခင်ယုယုနွယ်ကလည်းကောင်း၊ တတိယဆုရရှိသည့် ကျောင်းသူအားခရိုင်တိုင်းရင်းဆေးဦးစီးဌာန၊ခရိုင်ဦးစီးမှူးဒေါ်နီနီအေးကလည်းကောင်း၊ နှစ်သိမ့်ဆု (၁)ရရှိသည့် ကျောင်းသားအား ခရိုင်အားကစားနှင့်ကာယပညာဦးစီးဌာန၊ ခရိုင်ဦးစီးမှူး ဒေါ်ခိုင်မြတ်သူကလည်းကောင်း၊နှစ်သိမ့်ဆု(၂)ရရှိသည့် ကျောင်းသားအား ဆရာမဒေါ်ခင်နှင်းဇံမှလည်းကောင်း အသီးသီးဆုများချီးမြှင့်ခဲ့ကြောင်းနှင့် ယင်းဆုချီးမြှင့်ခြင်းအခမ်းအနားသို့ ခရိုင်ရုံးဝန်ထမ်းများ၊ ဆရာဆရာမများ၊ ဌာနဆိုင်ရာများ၊ ကျောင်းသားကျောင်းသူမိဘများတက်ရောက်ခဲ့ကြကြောင်း သိရှိရသည်။
ဇူလိုင်ကြယ်
https://t.me/MyanmarNationalPost
No comments:
Post a Comment