MNP ၊ ဇူလိုင် ၄
ရခိုင်ပြည်နယ်၊ စစ်တွေခရိုင်၊ပေါက်တောမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ် စာအုပ်စာစောင်ချစ်မြတ်နိုးသူများ (Book Club) အသင်းနှင့်ပူးပေါင်း၍ ပေါက်တောမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre)ခန်းမတွင် ယနေ့ နေ့လယ် ၁ နာရီက စာဖတ်ဝိုင်းဆွေးနွေးကြသည်။
ရှေးဦးစွာ ပေါက်တော ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်တင်တင်စိန်က စာဖတ်ရှိန်မြှင့်တင်ရေး ကျောင်းသားလူငယ်များစာပေ ဖတ်ရှုသည့်အကျိုးကျေးဇူး၊ စာဖတ်သည့်အလေ့အကျင့်ကောင်းရရှိစေပြီး အပြန်အလှန် ဆွေးနွေးတတ်စေရန်တို့ကို ရှင်းလင်းပြောကြားကာ အားလပ်ရက်များတွင် ပေါက်တောမြို့နယ် ပြည်သူ့စာကြည့်တိုက်ရှိ သုတ/ရသစာပေကောင်းများ လာရောက်ဖတ်ရှုကြရန် ရှင်းလင်းပြောကြားခဲ့သည်။
ထို့နောက် Book Club အသင်း အဖွဲ့ဝင် မောင်မျိုးမြင့်အောင်၊မောင်မျိုးသန်းနိုင်၊မသန်းဌေး၊မစိုးစိုးဦးတို့က စာရေးဆရာ ချစ်ဦးညိုရေးသားထားသည့် တိုးတက်ခြင်း၊ဆုတ်ယုတ်ခြင်း နှင့် ယဥ်ကျေးမှုမျက်နှာစာ ဖြင့်စာဖတ်ဝိုင်းဆွေးနွေးကြပြီး စာဖတ်ခြင်းဖြင့်သုတ၊ရသ ခံစားမှုကိုလည်း ရှင်းလင်းဆွေးနွေးခဲ့သည်။
အဆိုပါ စာဖတ်ဝိုင်းဆွေးနွေးပွဲ၌ စာအုပ်စာစောင်ချစ်မြတ်နိုးသူများ (Book Club) အသင်း ၊ ကျောင်းသား၊ကျောင်းသူများ စုစုပေါင်း(၂၀)ဦး တက်ရောက်ဆွေးနွေးကြသည်။
ဝင်းမင်းစိုး
https://t.me/MyanmarNationalPost
No comments:
Post a Comment