MNP ၊ ဩဂုတ် ၁၉
ရခိုင်ပြည်နယ်၊တောင်ကုတ်မြို့၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မှကြီးမှူး၍ ကျောင်းသား၊ကျောင်းသူလူငယ်များအသိပညာမြင့်မားရေးအတွက်လူငယ်ရေးရာအသိပညာပေးဟောပြောပွဲကို ယနေ့ မွန်းလွဲ(၂)နာရီခွဲအချိန်က အမှတ်(၄)၊အခြေခံပညာအထက်တန်းကျောင်း၌ ကျင်းပပြုလုပ်သည်။
အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ တောင်ကုတ်မြို့နယ်ရုံး မှ ဦးစီးအရာရှိ ဦးမြင့်ရွှေ က လူငယ်နှင့်အနာဂတ်ပန်းတိုင် ခေါင်းစဉ်ဖြင့်လည်းကောင်း ၊ မြို့နယ်အားကစားနှင့် ကာယပညာဦးစီးဌာနမှ မြို့နယ်အားကစားမှူး ဒေါ်အေးနန္ဒာကျော် က လူငယ်နှင့်အားကစား ခေါင်းစဉ်ဖြင့် လည်းကောင်း ၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်မေဝင်း က စားသုံးသူအခွင့်အရေးခေါင်း စဉ်ဖြင့်လည်းကောင်းဟောပြောသည်။
အဆိုပါအခမ်းအနားသို့ အမှတ်(၄)အခြေခံပညာအထက်တန်းကျောင်းမှ ကျောင်းအုပ်ဆရာကြီး ဦးထွန်းထွန်းနိုင် နှင့်ဆရာ ၊ ဆရာမများ ကျောင်းသား၊ကျောင်းသူများ စုစုပေါင်း(၂၇၀)ဦးခန့်တက်ရောက်ခဲ့ ကြကြောင်းသိရသည်။
https://t.me/MyanmarNationalPost
No comments:
Post a Comment