MNP ၊ ဩဂုတ် ၂၆
သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် Youth Club တို့ပူးပေါင်း ၍ ကျောင်းသားလူငယ်များ ဗလငါးတန်နှင့်ပြည့်စုံလာစေရန်နှင့် အသိပညာဗဟုသုတများ တိုးပွါး လာစေပြီး စဉ်းစားတွေးခေါ်မှုစွမ်းရည်များမြင့်မားသည့် လူတော်လူကောင်းများ ပေါ်ထွက် လာစေရန်ရည်ရွယ် ကျင်းပသည့် လူငယ်အသိပညာပေးဟောပြောပွဲကို ယနေ့နံနက် ၁၁း၃၀ နာရီက သံတွဲမြို့ အမှတ်(၁)အခြေခံပညာအထက်တန်းကျောင်း၌ကျင်းပပြုလုပ်သည်။
ရှေးဦးစွာ လက်ထောက်ညွှန်ကြားရေးမှူး ဒေါ်စန္ဒာကြည်က လူငယ်အသိပညာပေး ဟောပြောပွဲ ကျင်းပရခြင်း၏ရည်ရွယ်ချက်များကိုရှင်းလင်းပြောကြားသည်။
ထို့နောက် Youth Club အဖွဲ့ဥက္ကဌ ကိုမင်းဒီပါကျော် က Social Media ၏ ကောင်းကျိုးနှင့် ဆိုးကျိုးခေါင်းစဉ်ဖြင့် လည်းကောင်း ၊ အဖွဲ့ဝင် ကိုညီနိုင်းထက်က လူငယ်နှင့်အားကစားနည်းပညာခေါင်းစဉ်များဖြင့် အသိပညာပေးဟောပြောပေးခဲ့ကြသည်။ ဟောပြောပွဲအပြီးတွင်ကျောင်းသား၊ ကျောင်းသူ လေးများသည် ခရိုင်ပြန်ကြားရေးနှင့် ပြည်သူ့ ဆက်ဆံရေးဦးစီးဌာနမှ ခင်းကျင်းပြသထားသည့် စာအုပ်၊စာစောင်များကိုစိတ်ပါဝင်စားစွာ ကြည့်ရှုလေ့လာခဲ့ကြသည်။
သန့်ဇင်
https://t.me/MyanmarNationalPost
No comments:
Post a Comment