MNP ၊ ဩဂုတ် ၂၂
ရခိုင်ပြည်နယ်၊ တောင်ကုတ်မြို့နယ်၊ မအီမြို့ ဝေကျေးရွာ အ ထ က(ခွဲ)တွင် အာဟာရရက်သတ္တပတ်အနေဖြင့် ကျောင်းကျန်းမာရေး အသိပညာပေး ဟောပြောပွဲနှင့် ကျောင်းသား/ကျောင်းသူများအား သံကောင်ရောဂါ ကင်းဝေးစေရေးအတွက် သံချဆေးတိုက်ကျွေးခြင်းများကို မအီမြို့၊ ကျေးလက်ကျန်းမာရေးဌာန ဝန်ထမ်းများမှ ယနေ့ နံနက်ပိုင်းက ကွင်းဆင်းဆောင်ရွက်ခဲ့ကြောင်း သိရသည်။
ရှေးဦးစွာ ကျောင်းကျန်းမာရေးအသိပညာပေး ဟောပြောပွဲ၌ မအီမြို့၊ ကျေးလက်ကျန်းမာရေးဌာနမှ ကျန်းမာရေးမှူး ဦးလှဝင်းက အသိပညာပေးဟောပြောရာတွင် ကျောင်းသား/ကျောင်းသူများ ကျန်းမာပျော်ရွှင်စွာ ပညာသင်ကြားနိုင်ရေးအတွက် ကိုယ်ခန္ဓာ ကျန်းမာသန်စွမ်းရန်အရေးကြီးကြောင်း၊ သို့မှသာ မိမိတို့၏လုပ်ငန်းတာဝန်များဖြစ်သော ပညာသင်ယူခြင်းလုပ်ငန်းကို လွယ်ကူအဆင်ပြေစွာ လုပ်ဆောင်နိုင်မည်ဖြစ်ကြောင်း၊ တစ်ကိုယ်ရည်သန့်ရှင်းရေးသည် ကျန်းမာသော ကိုယ်ခန္ဓာ၊ ကျန်းမာသောစိတ်အတွက် အခြေခံအကျဆုံးနှင့် အရေးအကြီးဆုံးဖြစ်ပါကြောင်းနှင့် တစ်ကိုယ်ရည်သန့်ရှင်းရေးအတွက် လုပ်ဆောင်သင့်သည်များကို အကြံပြု ဟောပြောခဲ့သည်။ ထို့နောက် ကျန်းမာရေးဝန်ထမ်းများနှင့် ဆရာ/ဆရာမများက အခမ်းအနားသို့ တက်ရောက်လာကြသည့် မူလတန်းအရွယ်မှ အထက်တန်းအရွယ်အထိ ကျောင်းသား/ကျောင်းသူများအား သံချဆေးများ တိုက်ကျွေးပေးခဲ့သည်။
အဆိုပါ အခမ်းအနားကို ကျောက်ဝေကျေးရွာအုပ်စု၊ ကျေးလက်ကျန်းမာရေးဌာန(ခွဲ)မှ ဝန်ထမ်းများနှင့် ပူးပေါင်းဆောင်ရွက်ခြင်းဖြစ်ပြီး အဆိုပါ အခမ်းအနားသို့ ကျောင်းသား/ကျောင်းသူဦးရေ (၃၀၀) ဦးခန့်တက်ရောက်ခဲ့ကြပြီး မအီမြို့၊ ကျေးလက်ကျန်းမာရေးဌာန(ခွဲ)အနေဖြင့် ကျောင်းကျန်းမာရေး အသိပညာပေး ဟောပြောခြင်းနှင့် ကျန်းမာရေး စောင့်ရှောက်ခြင်းများကို အာဟာရရက်သတ္တပတ်ကာလအတွင်း၌ ကျန်ရှိနေသေးသည့် အခြေခံပညာကျောင်းများတွင် အချိန်နှင့် တပြေးညီ ကွင်းဆင်းဆောင်ရွက်သွားမည်ဖြစ်ကြောင်း ကျန်းမာရေးမှူး ဦးလှဝင်းက သိရသည်။
မောင်မောင်ဌေး
https://t.me/MyanmarNationalPost
No comments:
Post a Comment