MNP ၊ ဩဂုတ် ၂၁
ရှမ်းပြည်နယ်(မြောက်ပိုင်း)၊ လားရှိုးမြို့တွင် မိုးစပါးမျိုးစေ့ထုတ်စိုက်ခင်း စိုက်ပျိုးခြင်းလုပ်ငန်း ကွင်းလက်တွေ့သရုပ်ပြစိုက်ပျိုးပွဲကို ဩဂုတ်လ ၁၉ ရက်နေ့ နံနက်(၉)နာရီအချိန်က ဆုံကွယ်ကျေးရွာရှိဦးထွန်းလူ၏ လယ်မြေတွင် ကျင်းပပြုလုပ်သည်။ ကွင်းလက်တွေ့သရုပ်ပြစိုက်ပျိုးပွဲသို့ လားရှိုးခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးမင်းထွန်း၊ စိုက်ပျိုးရေးဦးစီးဌာန၊ ဒုတိယပြည်နယ်ဦးစီးမှူးဦးမောင်မောင်အေးနှင့် ခရိုင်၊မြို့နယ်အဆင့်ဌာနဆိုင်ရာများ၊ တောင်သူများ၊ လယ်စိုက်ပျိုးသူများ တက်ရောက်ခဲ့ကြသည်။
ရှေးဦးစွာ လားရှိုးမြို့နယ်စိုက်ပျိုးရေးဦးစီးဌာန၊ မြို့နယ်ဦးစီးမှူးဦးစိုင်းတိုးတိုးက မိုးစပါးမျိုးစေ့ထုတ်စိုက်ခင်းစိုက်ပျိုးခြင်းလုပ်ငန်း ကွင်းလက်တွေ့သရုပ်ပြဆောင်ရွက်ခြင်းနှင့်ပတ်သက်၍ ရှင်းလင်းပြောကြားသည်။
ထို့နောက် လားရှိုးခရိုင်စီမံအုပ်ချုပ်ရေးအဖွဲ့ဥက္ကဋ္ဌက မိုးစပါးမျိုးစေ့ထုတ်စိုက်ခင်း ကောက်စိုက်လုံမေများအတွက် ဂုဏ်ပြုချီးမြှင့်ငွေများကိုပေးအပ်ပြီး လက်တွေ့သရုပ်ပြစိုက်ပျိုးမှုကို ကြည့်ရှုအားပေးခဲ့ကြောင်း သိရသည်။
စိုင်းထွန်း
https://t.me/MyanmarNationalPost
No comments:
Post a Comment