ဂွမြို့နယ်တွင် အသက်(၅)နှစ်နှင့်အထက် ကျောင်းသား၊ ကျောင်းသူများနှင့် ပြည်သူများအား ကိုဗစ်ကာကွယ်ဆေးများ ဆက်လက်ထိုးနှံပေး

MNP ၊  ဩဂုတ်  ၁၁

ရခိုင်ပြည်နယ်၊ သံတွဲခရိုင်၊ ဂွမြို့နယ်တွင် အသက်(၅)နှစ်နှင့်အထက် ကျောင်းသား၊ ကျောင်းသူ များနှင့် အသက်(၁၈)နှစ်နှင့်အထက် ပြည်သူများအားအား ကိုဗစ်ကာကွယ်ဆေး Sinopharm ထိုးနှံပေးခြင်းကို ယနေ့ နံနက်ပိုင်းက (ဂွ)စုရပ်၊ (ဆပ်သွား)စုရပ်နှင့် (ကျိန္တလီ)စုရပ် စသည့် စုရပ်နေရာများတွင် ဆက်လက်ထိုးနှံပေးလျက်ရှိသည်။

ထိုသို့ ကိုဗစ်-၁၉ ရောဂါကာကွယ်ဆေးထိုးနှံရာတွင်  အသက်(၅)နှစ်ပြည့်ပြီး KG ကျောင်းသား၊ ကျောင်းသူ(၁၅) ဦးက First Doseနှင့် (၃၀)ဦးက Second Doseအား လည်းကောင်း၊ အသက်(၅)နှစ်မှ (၁၂)နှစ်အတွင်း ကျောင်းသား၊ ကျောင်းသူ(၁)ဦးက First Doseနှင့် (၁၂)ဦးက  Second Dose ကာကွယ်ဆေးအား လည်းကောင်း၊ အသက် (၁၈)နှစ်နှင့်အထက် ပြည်သူ (၁၀၃)ဦးက တတိယအကြိမ် ထပ်ဆောင်း(Third Booster)အား လည်းကောင်း  စုရပ်များသို့ လာရောက် ထိုးနှံခဲ့ကြကြောင်း သိရသည်။

ထို့နောက် စုရပ်နေရာများသို့ ကာကွယ်ဆေးထိုးရန်ရောက်ရှိလာကြသော ကျောင်းသား/သူများနှင့် ပြည်သူများအား ကျန်းမာရေးဝန်ထမ်းများက ကိုယ်အပူချိန်တိုင်းတာပေးခြင်း၊ သွေးပေါင် ချိန် တိုင်းတာပေးခြင်း၊  စနစ်တကျ စာရင်းရေးသွင်းခြင်းနှင့် ကိုဗစ်-၁၉ ရောဂါကာကွယ်ဆေးထိုးနှံပေးပြီးနောက် မိနစ်(၃၀)ခန့် အနားယူစေခြင်းတို့ဖြင့် ကျန်းမာရေး စောင့်ရှောက် ပေးလျက်ရှိကြောင်း သိရသည်။

ရွှေရည်ဝင်းကျော်

https://t.me/MyanmarNationalPost