MNP ၊ ဩဂုတ် ၁၈
ရခိုင်ပြည်နယ်၊ စစ်တွေခရိုင်၊ ပုဏ္ဏားကျွန်းမြို့နယ်၌ ကျောင်းအခြေပြု အသက်(၅)နှစ်မှ (၁၂)နှစ်အတွင်ရှိ ကျောင်းသား၊ ကျောင်းသူများအား ကိုဗစ်-၁၉ ကာကွယ်ဆေးထိုးနှံခြင်းကို ယနေ့၊ နံနက်ပိုင်းက သက်ဆိုင်ရာကျောင်းများတွင် ဆက်လက်ထိုးနှံပေးလျက်ရှိသည်။
ထိုသို့ကာကွယ်ဆေးများထိုးနှံပေးရာတွင် မြို့နယ်စီမံအုပ်ချုပ်ရေးအဖွဲ့မှ ကြီးကြပ်ပြီး၊ ပုဏ္ဏားကျွန်းမြို့နယ်အတွင်းရှိ ကျောင်းနေအရွယ်ကလေးများအားလုံး ကျန်းမာပျော်ရွှင်စွာဖြင့် ပညာသင်ကြားနိုင်ရေးအတွက် မြို့နယ်ကျန်းမာရေးဦးစီးဌာနမှူး ဒေါက်တာ အောင်စစ်ထွန်း ဦးဆောင်သော သူနာပြုကျန်းမာရေးဝန်ထမ်းများက အသက်(၅)နှစ်ပြည်ပြီး KG ကျောင်းသား ၊ ကျောင်းသူများနှင့်အသက်(၅)နှစ်မှ(၁၂)နှစ်အတွင်း ကျောင်းသား/သူများကို ကျန်းမာရေးဝန်ကြီးဌာနမှ ထုတ်ပြန်ထားသည့် ကိုဗစ်-၁၉ ကာကွယ်ရေးလမ်းညွှန်ချက်နှင့်အညီ စနစ်တကျ ထိုးနှံပေးခဲ့ကြသည်။
ပုဏ္ဏားကျွန်းမြို့နယ်တွင် ယမန်နေ့က အခြေခံပညာကျောင်း(၉)ကျောင်းတွင် စုစုပေါင်း ကျောင်းသား/သူ ၄၀၉ ဦးတို့ကို ထိုးနှံပေးခဲ့ရာ အသက် ၅ နှစ်ပြည့်ပြီး KG ကျောင်းသား/သူ ၈၄ ဦးကို ပထမအကြိမ်အဖြစ်လည်းကောင်း ၊ အသက် ၅ နှစ်မှ ၁၂ နှစ်အတွင်းရှိ ကျောင်းသား၊ ကျောင်းသူ ၃၂၅ ဦးကို ဒုတိယအကြိမ်အဖြစ်လည်းကောင်း သတ်မှတ်စည်းကမ်းချက်များနှင့် အညီ စနစ်တကျထိုးနှံပေးခဲ့ကြောင်း မြို့နယ်ကျန်းမာရေးဦးစီးဌာနမှသိရသည်။
နီထွန်းအောင်
https://t.me/MyanmarNationalPost
No comments:
Post a Comment