MNP ၊ ဩဂုတ် ၂၁
ရခိုင်ပြည်နယ်၊ မောင်တောမြို့၌ ပြန်ကြားရေးနှင့်ပြည်သူ့ ဆက်ဆံရေး ဦးစီးဌာန ၊ မောင်တောခရိုင်ရုံးမှ ကြီးမှူး၍ လူငယ် နှင့် ဗဟုသုတအသိပညာပေးဟောပြောပွဲ ၊ စာအုပ်စာစောင်၊ နံရံကပ်စာစောင် နှင့် ဓါတ်ပုံပြပွဲကို ယမန်နေ့ ညနေ ပိုင်းက လူထုအခြေပြုဗဟိုဌာန ၊ Community Center ခန်းမတွင်တွင် ကျင်းပပြုလုပ်ခဲ့သည်။
ရှေးဦးစွာ ပြန်ကြားရေး နှင့် ပြည်သူ့ဆက်ဆံရေးဦးစီးဌာန ၊ မောင်တောခရိုင်ရုံးမှ လက်ထောက်ညွန်ကြားရေးမှူး (တာဝန်ပေး)ဦးမြင့်ခိုင်ကအသိပညာပေးဟောပြောရာတွင် လူငယ်များဗလငါးတန်ဘက်စုံဖွံ့ဖြိုးတိုးတက်ရေး ၊ မျိုးချစ် စိတ်ဓာတ် ရှင်သန် ထက်မြတ်စေရေး ၊ စဉ်းစားတွေးခေါ်မှုမြင့်မားစေရေး ပါဝင်ဆွေးနွေးတတ်စေရေး ၊ နိုင်ငံ့ခေါင်းဆောင် လူငယ်လူရွယ်များ ဖြစ်ပေါ်လာစေရန် ရည်ရွယ်၍ လူငယ်စကားဝိုင်းများ ကျင်းပရခြင်း နှင့် ပတ်သတ်၍ ရှင်းလင်း ပြောကြားခဲ့သည်။
ဆက်လက်၍ ပြန်ကြားရေး နှင့် ပြည်သူ့ဆက်ဆံရေး ဦးစီးဌာန ၊ မောင်တောခရိုင်ရုံးမှ ခင်းကျင်း ပြသ ထားသော စာအုပ်စာစောင်များ ၊ နံရံကပ်စာစောင် နှင့် ဓါတ်ပုံပြပွဲတွင် နိုင်ငံတော်စီမံအုပ်ချုပ်ရေး ကောင်စီ ၏ ရှေ့လုပ်ငန်း စဉ် ၅ ရပ် ၊ ပြည်ထောင်စုသမ္မတနိုင်ငံတော် နိုင်ငံ တော် စီမံအုပ်ချုပ်ရေးကောင်စီဦးတည်ချက် ၁၂ ရပ် ပါအကြောင်း အရာ များ ၊ မုန်တိုင်းဘေးခံစားခဲ့ရသော ကျေးရွာများတွင် နိုင်ငံတော်မှ ပြန်လည်ထူထောင်ရေး ဆောင်ရွက်နေမှုမှတ်တမ်း ဓါတ်ပုံ များ၊ နိုင်ငံပိုင်သတင်းစာများတွင် ဖော်ပြထားသော ဆောင်းပါးများ ၊ အသိပညာဗဟုသုတ ရရှိနိုင်မည့် စာစောင်များ ၊ ဌာန စာကြည့်တိုက်ရှိ စာအုပ်စာစောင်များအား ကျောင်း သား ၊ကျောင်းသူများက စိတ်ပါဝင် စားစွာ ဖတ်ရှုလေ့လာခဲ့ကြသည်။
အဆိုပါ အသိပညာပေးဟောပြောပွဲသို့ ပြန်ကြားရေး နှင့် ပြည်သူ့ဆက်ဆံရေးဦးစီးဌာန ၊ မောင်တောခရိုင်ရုံးမှ လက် ထောက် ညွန်ကြားရေးမှူး (တာဝန်ပေး)နှင့် ဝန်ထမ်းများ ၊ ကျောင်း သား၊ ကျောင်းသူများ တက်ရောက်ခဲ့ကြ ကြောင်း သိရ သည်။
သက်လွင်စိုး ၊အောင်ကျော်စိန်
https://t.me/MyanmarNationalPost
No comments:
Post a Comment