MNP ၊ ဩဂုတ် ၁၈
ပဲခူးတိုင်းဒေသကြီး ပေါက်ခေါင်းမြို့၌ အထက(ပေါက်ခေါင်း)ကျောင်း၏ ကျောင်းကောင်စီဥက္ကဋ္ဌ ဖလားဘောလုံးပြိုင်ပွဲဖွင့်ပွဲကို ယမန်နေ့နံနက်က ပေါက်ခေါင်းမြို့ မြို့မ အားကစားကွင်း၌ ကျင်းပပြုလုပ်ခဲ့ကြောင်းသိရသည်။
အဆိုပါကျောင်းကောင်စီဥက္ကဋ္ဌဖလား ဘောလုံးပြိုင်ပွဲတွင် အထက(ပေါက်ခေါင်း)မှ အဝါ၊ အစိမ်း၊ အနီ၊ အပြာနှင့်လိမ္မော် ဘောလုံးအသင်း(၅)သင်းမှ အုပ်စုပတ်လည်ပွဲစဉ်အဖြစ် ယှဉ်ပြိုင်ကစားကြမည်ဖြစ်ပြီး အဖွင့်ပွဲစဉ်အဖြစ် လိမ္မော်အသင်းနှင့် အဝါအသင်းတို့ယှဉ်ပြိုင် ကစားကြရာ လိမ္မော်အသင်းက သုံးဂိုးတစ်ဂိုးဖြင့်အနိုင်ရရှိခဲ့သည်။ အဆိုပါအသင်း ၅ သင်းမှအုပ်စုပတ်လည်ကစားပြီး အမှတ်အများဆုံးရရှိသည့်အသင်းနှစ်သင်းမှာ ဗိုလ်လုပွဲ ဆက်လက်ကန်ခွင့်ရရှိမည်ဖြစ်သည်။ ဗိုလ်လုပွဲ ပွဲစဉ်ကို ဩဂုတ်လ ၂၅ ရက်နေ့တွင် ယှဉ်ပြိုင်ကစားမည်ဖြစ်ပြီး ပထမ၊ ဒုတိယနှင့် ပွဲစဉ်တစ်လျှောက် အကောင်းဆုံးအားကစားသမားဆုကိုလည်း ချီးမြှင့်ပေးမည်ဖြစ်ကြောင်း အ-ထ-က(ပေါက်ခေါင်း) ကျောင်းအုပ်ဆရာကြီးထံမှသိရသည်။
သန်းထွန်းအောင်
https://t.me/MyanmarNationalPost
No comments:
Post a Comment