MNP ၊ ဩဂုတ် ၁၀
မွန်ပြည်နယ်၊ ပေါင်မြို့နယ်၌ ၂၀၂၃ - ၂၀၂၄ ပညာသင်နှစ် မြန်မာ့သိုင်းသင်တန်းဖွင့်ပွဲကို (အထက)ဇင်းကျိုက်၊ရတနာမွန်ခန်းမ၌ ယနေ့နံနက်ပိုင်းက ပြုလုပ်ခဲ့သည်။
သင်တန်းတွင် ဒုတိယမြို့နယ်ပညာရေးမှူး ဦးမင်းညွန့်တင် က ယခုလို သိုင်းသင်တန်းများဖွင့်လှစ်ရခြင်းဖြင့် ကျောင်းသား၊ကျောင်းသူများ ဗလငါးတန်နှင့်ပြည့်စုံပြီး ထူးချွန်ထက်မြက်သော လူရည်ချွန် များပေါ်ထွက်လာအောင် ဆောင်ရွက်ပေးသည့်အတွက် ဂုဏ်ယူဝမ်းမြောက်မိပါကြောင်း အမှာစကားပြောကြားသည်။
ထို့နောက် အားကစားနှင့်ကာယပညာဦးစီးဌာနမှ ဦးစီးအရာရှိဒေါ်အေးသီတာအောင် ကမြန်မာ့အားကစားကမ္ဘာကိုလွှမ်းရမည်ဆိုသည့်ဆောင်ပုဒ်အတိုင်း အားကစား ကိုကြိုးစားသင်ယူခြင်းဖြင့် ထူးချွန်လာပါက မြို့နယ်အဆင့် ၊ ပြည်နယ်အဆင့် မှ နိုင်ငံတော်ကိုကိုယ်စားပြုသည့်အထိ ထူးချွန်လာအောင်ကြိုးစားသင်ယူဖို့လိုအပ်ပါကြောင်း ပြောကြားခဲ့သည်။
ဆက်လက်၍ သင်တန်းဖွင့်လှစ်ရန်အတွက် ဇင်းကျိုက်မြို့အုပ်ချုပ်ရေးမှူး ဦးဝေတိုးအောင် နှင့် ကြက်ခြေနီအသင်းဥက္ကဌ ဦးအောင်မင်းနိုင် တို့ကသင်ထောက်ကူပစ္စည်းများကို သင်တန်းသားများအား ထောက်ပံ့ပေးအပ်ခဲ့ပြီး ကျောင်းအုပ်ဆရာမကြီး ဒေါ်မြင့်မြင့်ဌေး က ကျေးဇူးတင်စကား ပြောကြားခဲ့သည်။
အဆိုပါ သိုင်းသင်တန်းဖွင့်လှစ်ရာတွင် သင်တန်းဆရာ (၄)ဦးက မိမိတို့သင်ကြားပြသမည့် သိုင်းကွတ်များကို သရုပ်ပြသကာ အခြေခံသိုင်းသင်တန်းကို စတင်ဖွင့်လှစ်ရာ သင်တန်းသား၊သင်တန်းသူ (၇၆)ဦး တက်ရောက်သွားမည်ဖြစ်ပြီး သင်တန်းကာလမှာ (၁၄)ရက်ကြာမြင့်မည်ဖြစ်ကြောင်းသိရသည်။
https://t.me/MyanmarNationalPost
No comments:
Post a Comment