MNP ၊ ဩဂုတ် ၁
ရခိုင်ပြည်နယ်၊ ပုဏ္ဏားကျွန်းမြို့၌ ဗုဒ္ဓဘာသာဝင်တို့၏ နေ့ထူးနေ့မြတ်ဖြစ်သည့် ဝါဆို လပြည့်(ဓမ္မစကြာ)နေ့တွင် ဦးရာဇ်တော်ဓာတ်စေတီတော်မြတ်ကြီးနှင့်ဘုန်းတော်ကြီးကျောင်းတိုက်အသီးသီး၌ ဥပုသ်သီလဆောက်တည်ခြင်း၊ အလှူဒါနပြုလုပ်ခြင်း၊ တရားဘဝါနာများ ကျင့်ကြံအားထုတ်သူများဖြင့်စည်ကားလျက်ရှိသည်။
ယနေ့ ဝါဆိုလပြည့် ဓမ္မစကြာနေ့သည် ဗုဒ္ဒဘာသာဝင်တို့၏ နေ့ထူးနေ့မြတ်ဖြစ်သည့် အတွက် ဘုန်းတော်ကြီးကျောင်းများတွင် သီတင်းသုံးနေထိုင်တော်မူသော ဆရာတော်ကြီးတို့ ထံမှ ရှစ်ပါးသီလခံယူဆောက်တည်ကြပြီး၊ ဓမ္မစကြာတရားဦးတရားမြတ်တို့ကို နာယူလျက် ရဟန်း၊ သံဃာတော်အရှင်သူမြတ်တို့အား စေတနာရှင်ပြည်သူများက ဝါဆိုသင်္ကန်းဆက်ကပ် လှူဒါန်းခြင်း၊ နဝကမ္မအလှူငွေများဆက်ကပ်လှူဒါန်းကာ လှူဒါန်းမှုအစုစုတို့အတွက် ရေစက် သွန်းချအမျှပေးဝေခဲ့ကြသည်။
အလားတူ ဦးရာဇ်တော်ဓာတ်စေတီတော်မြတ်ကြီးတွင်လည်း အနယ်နယ်အရပ်ရပ်မှ ဘုရားဖူးခရီးသည်များလာရောက်ဖူးမျှော်ကြည်ညိုကြပြီး၊ ဆွမ်း၊ ဆီမီး၊ ရေချမ်း၊ ပန်း ဆက်ကပ်လှူဒါန်းခြင်းနှင့်ဒါနကုသိုလ်ပြုလုပ်သူများဖြင့်စည်းကားလျက်ရှိကြောင်းသိရသည်။
နီထွန်းအောင်
#MyanmarNationalPost
No comments:
Post a Comment