MNP ၊ ဩဂုတ် ၁၀
မကွေးတိုင်းဒေသကြီး၊ မင်းဘူးခရိုင်၊ စလင်းမြို့၌ ကျောင်းကျန်းမာရေးသီတင်းပတ်အဖြစ် ကျောင်းအခြေပြု သန်ချဆေး တိုက်ကျွေးခြင်း အခမ်းအနားကို ယမန်နေ့နံနက် ၉ နာရီအချိန်က မြေမိရပ်ကွက်အတွင်းရှိ အခြေခံပညာ မူလတန်းကျောင်းတွင် ကျင်းပပြုလုပ်ခဲ့သည်။
အဆိုပါအခမ်းအနားတွင် စလင်းမြို့နယ် ကျန်းမာရေးဦးစီးဌာနမှ ဆရာမများနှင့်မိခင်နှင့်ကလေး စောင့်ရှောက်ရေးအသင်းဥက္ကဋ္ဌ ဒေါ်နန္ဒာဝင်းတို့ တက်ရောက်ခဲ့ပြီး ကျောင်းသား၊ ကျောင်းသူကလေးငယ်များအား သန်ချဆေး တိုက်ကျွေးရခြင်းနှင့် ပတ်သက်၍ ရှင်းလင်းပြောကြားခဲ့သည်။ ဆက်လက်၍ သန်ချဆေးများ တိုက်ကျွေးရာသို့ မြို့နယ်ကျန်းမာရေးဆရာမများနှင့်၊ မိခင်နှင့်ကလေးစောင့်ရှောက်ရေးအသင်းဥက္ကဋ္ဌ ဒေါ်နန္ဒာဝင်းနှင့် အမျိုးသမီးရေးရာအဖွဲ့ဝင်များ၊ မိခင်နှင့်ကလေးစောင့်ရှောက်ရေးအသင်းဝင်များ ဆရာ/ဆရာမများက သန်ချဆေးများ တိုက်ကျွေးခြင်းများကို ဆောင်ရွက်ကြကြောင်း သိရှိရသည်။
မောင်လွင်
https://t.me/MyanmarNationalPost
No comments:
Post a Comment