MNP ၊ ဩဂုတ် ၁၁
မကွေးတိုင်းဒေသကြီး နတ်မောက်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပညာရေးဌာနတို့ ပူးပေါင်း၍ KG ကျောင်းသား/သူများဖြင့် ပုံပြောပြိုင်ပွဲပြိုင်ပွဲကို လူထုအခြေပြုဗဟိုဌာန ( Community Centre) ၌ ယနေ့နံနက် ၉ နာရီအချိန်က ကျင်းပခဲ့သည်။
ရှေးဦးစွာ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်ဥမ္မာခင်က စာပေလေ့လာဖတ်ရှုသည့် အလေ့အကျင့်ကောင်းများ ရရှိစေရန်၊ စကားပြောနိုင်မှု စွမ်းဆောင်ရည် မြင့်မားစေရန်၊ စိတ်လက်ပျော်ရွင်စေရန်၊ ဉာဏ်ရည်ဉာဏ်သွေးထက်မြက်စေရန် ရည်ရွယ်၍ ပြိုင်ပွဲများ ကျင်းပရခြင်းဖြစ်ပါကြောင်း ရှင်းလင်းပြောကြားသည်။ ဆက်လက်၍ ပုံပြောပြိုင်ပွဲကျင်းပရာ KG ကျောင်းသူလေး မရွှန်းလတ်သဒ္ဒါမှ “ဝက်ကလေးသုံးကောင်” ပုံပြင်ဖြင့်လည်းကောင်း ၊ မချောပြည့်စုံသန့်မှ “ဆင်နဲ့မျောက်” ပုံပြင်ဖြင့်လည်းကောင်း ၊ မမြတ်စုငြိမ်းမှ “ဖိုးကဲတို့မိသားစု” ပုံပြင်ဖြင့် လည်းကောင်း အသီးသီးဝင်ရောက်ယှဉ်ပြိုင်ခဲ့ကြရာ ဆုရရှိသူများအား တာဝန်ရှိသူများက ဆုများချီးမြှင့်ပေးခဲ့သည်။
အဆိုပါ ပုံပြောပြိုင်ပွဲသို့ အမှတ်(၁) အခြေခံပညာအထက်တန်းကျောင်းမှ ဆရာ/မများ၊ KG ကျောင်းသား/ သူများ ၊ ကျောင်းသားမိဘများ စုစုပေါင်း (၆၅)ဦး တက်ရောက်ခဲ့သည်။
လှဝင်း
https://t.me/MyanmarNationalPost
No comments:
Post a Comment