MNP ၊ သြဂုတ် ၁၈
ခင်ဦးမြို့၊ မြကန်သာရပ်ကွက်ရှိ NUG အကြမ်းဖက်အဖွဲ့၏ သြဇာခံ လက်ပါးစေ ပလဖ အဖွဲ့ဝင် ကားသမား မျိုးကျော် ၏ နေအိမ်အား ဝင်ရောက်စီးနင်းရှာဖွေခဲ့ရာ အမျိုးသမီး ၁ဦးနှင့်အတူ လက်နက်ခဲယမ်းအမြောက်အများ ရှာဖွေဖော်ထုတ် ဖမ်းဆီးရမိခဲ့ကြောင်း သိရသည်။
ခင်ဦးမြို့၊ မြကန်သာရပ်ကွက်တွင် ကျဘမ်းလုပ်ကိုင်သူ သီတာဦး၊ ၃၅ နှစ်၊ (ဘ)ဦးဝင်း နှင့်အတူ အမျိုးအစား(စိစစ်ဆဲ) စနိုက်ပါ ၁ လက်၊ စနိုက်ပါကျည်အိမ် ၁ ခု၊ ၎င်းကျည် ၅ တောင့်၊ M4 မောင်းပြန်ရိုင်ဖယ် ၁ လက်၊ M4 ကျည်အိမ် ၁ ခု၊ ၎င်းကျည် ၂၀ တောင့်၊ KA မောင်းပြန်ရိုင်ဖယ် ၁ လက်၊ ကျည်အိမ် ၂ ခု၊ ၎င်းကျည် ၂၆ တောင့်၊ လက်လုပ်သေနတ်အရှည် ၁ လက်၊ လက်လုပ်မိုင်း ၁ လုံး၊ မိုင်းထောင်ရာတွင် အသုံးပြုသည့် ပလပ်ခေါင်း ၅၇ ခု၊ ဖျူးစ် ၁၀၀ ခု၊ မိုင်းပြုလုပ်ရာတွင်အသုံးပြုသည့် သံဖြတ်စက် ၈ လုံး၊ ခဲဂေါက် ၂ ချောင်း၊ တံဆိပ်ပါ နဖူးစည်း ၁ ခု သိမ်းဆည်းရမိခဲ့ကြောင်း သိရသည်။
ပြည်ပြေး ဝရမ်းပြေး NUG အကြမ်းဖက်အဖွဲ့မှ ရည်မွန် က ပြည်ဖျက်မီဒီယာတစ်ခုဖြစ်သည့် RFA မှ ဂျင်းခင်မောင်စိုး၏ ဆက်သွယ်မေးမြန်းမှုကို ဖြေကြားရာတွင် တပ်မတော်သား၏ လက်နက်များကို သိမ်းပိုက်ရရှိနေသယောင် လီဆည်ပြောဆိုခဲ့ပြီး ယခု ရက်ပိုင်းအတွင်း NUG သြဇာခံ PDF အကြမ်းဖက်အဖွဲ့များ၏ စခန်းများကို လုံခြုံရေးတပ်ဖွဲ့ဝင်များက လိုက်လံရှင်းလင်း ဆောင်ရွက်လျက်ရှိပြီး လက်နက်ခဲယမ်းများကိုလည်း သိမ်းဆည်းရရှိခဲ့သည်။
#MyanmarNationalPost
No comments:
Post a Comment