MNP ၊ စက်တင်ဘာ ၁၄
မန္တလေးတိုင်းဒေသကြီး၊ အောင်မြေသာစံခရိုင်၊ ပုသိမ်ကြီးမြို့နယ်၊ မီးသတ်ဦးစီးဌာနမှ ဝါဆိုသင်္ကန်း ဆက်ကပ်လှူဒါန်းပွဲ အခမ်းအနားကို ယမန်နေ့ နံနက် ၁၀ နာရီက အဆိုပါဦးစီးဌာန အစည်းအဝေးရုံးခန်းမ၌ ကျင်းပခဲ့သည်။
ရှေးဦးစွာ ဗုဒ္ဓသာသနံ စိရံတိဋ္ဌတု သုံးကြိမ်ရွတ်ဆို ဖွင့်လှစ်၍ ရေငုံကျောင်းတိုက် ဘဒ္ဒန္တစန္ဒသာရ ထံမှ အနုမောဒနာတရား နာယူကြည်ညိုပြီး၊ ပင့်သံဃာများမှ ပရိတ်တရား ရွတ်ဖတ်ပူဇော်ကြကာ တိုင်းဒေသကြီး မီးသတ်ဦးစီးဌာန တိုင်းဦးစီးမှူး ဦးဇော်ဝင်းထွန်း၊ ဒုတိယတိုင်းဦးစီးမှူး ဦးဋ္ဌေးဝင်း၊ ခရိုင်မီးသတ်ဦးစီးမှူး ဦးကျော်ကိုကိုနှင့် တာဝန်ရှိသူများက ဝါဆိုသင်္ကန်း အစရှိသည့် လှူဖွယ်ဝတ္ထုများအား ဆက်ကပ်လှူဒါန်းကြပြီးနောက်၊ သီရိမင်္ဂလာ သရက်တောကျောင်းတိုက်၊ ရွှေကြေးစည် ဆရာတော် ဘဒ္ဒန္တဥတ္တမထံမှ ရေစက်ချတရား နာယူကြည်ညိုခဲ့ပြီး၊ နမောတဿ သုံးကြိမ်ရွတ်ဆို၍ အခမ်းအနားအား ပိတ်သိမ်းခဲ့သည်။
ထို့နောက် သံဃာတော် အရှင်သူမြတ်တို့အား နေ့ဆွမ်းဆက်ကပ်လှူဒါန်းခဲ့ကြပြီး၊ တက်ရောက်လာသည့် ဧည့်ပရိတ်သတ်များလည်း ဧည့်ခံတည်ခင်းခဲ့ကြောင်း သိရသည်။
ဇာနည်ကိုကို
https://t.me/MyanmarNationalPost
No comments:
Post a Comment