MNP ၊ စက်တင်ဘာ ၂၆
မကွေးတိုင်းဒေသကြီးအစိုးရအဖွဲ့ (၂၄) ကြိမ်မြောက် အဆို၊ အက၊ အရေး၊ အတီး ပြိုင်ပွဲ ဒုတိယနေ့ကို မကွေးမြို့၊ မြို့တော်ခန်းမနှင့် အမှတ် (၁) အခြေခံပညာ အထက်တန်းကျောင်း၊ ပန်းဟေဝန်ခန်းမတို့တွင် ဆက်လက်ကျင်းပလျက်ရှိရာ တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးသန့်ဇင်ကိုကိုနှင့် တာဝန်ရှိသူများက ကြည့်ရှုအားပေးခဲ့ကြောင်း သိရသည်။
မကွေးတိုင်းဒေသကြီးအစိုးရအဖွဲ့ (၂၄) ကြိမ်မြောက် အဆို၊ အက၊ အရေး၊ အတီး ပြိုင်ပွဲ ဒုတိယနေ့အဖြစ် အသက် (၁၀) နှစ်မှ (၁၅) နှစ်အထိ ခေတ်ဟောင်း/ကာလပေါ် အခြေခံပညာ အဆိုပြိုင်ပွဲ၊ ခေတ်ဟောင်း/ကာလပေါ်အဆင့်မြင့်ပညာ၊ ဝါသနာရှင် အဆိုပြိုင်ပွဲများ၊ အသက် (၁၀)နှစ်မှ (၁၅) နှစ်အထိ အက အခြေခံပညာ၊ ဝါသနာရှင် အကပြိုင်ပွဲများ၊ စန္ဒယား ဝါသနာရှင် အတီး ပြိုင်ပွဲ၊ အသက် (၁၀) နှစ်မှ (၁၅) နှစ်အထိ အခြေခံပညာ ဆိုင်းတစ်ဦးချင်းပြိုင်ပွဲနှင့် ဝါသနာရှင် ဆိုင်းတစ်ဦးချင်း အတီးပြိုင်ပွဲများအား ဆက်လက်ကျင်းပခဲ့ကြောင်း သိရသည်။
အဆိုပါ တိုင်းဒေသကြီးအစိုးရအဖွဲ့ (၂၄) ကြိမ်မြောက် အဆို၊ အက၊ အရေး၊ အတီး ပြိုင်ပွဲကို တိုင်းဒေသကြီးအတွင်းရှိ လူငယ်လူရွယ်များအနေဖြင့် မြန်မာ့ရိုးရာဂီတများအား စိတ်ဝင်စားလာပြီး မြန်မာ့ရိုးရာယဉ်ကျေးမှုများ မပျောက်ပျက်အောင် ဆက်လက်ထိန်းသိမ်းနိုင်စေရေးနှင့် တိုင်းဒေသကြီးဂုဏ်ဆောင် အနုပညာရှင်များ ပေါ်ထွန်းလာစေရန် ရည်ရွယ်၍ (၂၅.၉.၂၀၂၃) ရက်နေ့မှ (၂၉.၉.၂၀၂၃) ရက်နေ့အထိ ကျင်းပသွားမည်ဖြစ်ကြောင်း သိရသည်။
ကိုစည်သူ
https://t.me/MyanmarNationalPost
No comments:
Post a Comment